Бай наһийиси чошқа бақмичилиқи вә зәр мүңгүз базисиға айландурулмақчи

Мухбиримиз әзиз
2020-06-02
Елхәт
Пикир
Share
Принт

Хитай һөкүмитиниң рәсмий хәвәр қанили болған болған шинхуа агентлиқиниң 1-июндики хәвиридә ейтилишичә, бай наһийисидә 300 миң чошқа баққили болидиған бақмичилиқ мәйдани билән 100 миң молуқ зәр мүңгүз бағвәнчилики базисиға һул селиш мурасими 31-май күни өткүзүлгән.

Хәвәрдә ейтилишичә, бу бирләшмә қурулушқа үч милярд сом (тәхминән 500 милйон америка доллири) мәбләғ селинидиған болуп, үч йилда тамамлаш мөлчәрләнмәктә икән.

Бай наһийәсиниң һакими мәмәтҗан бу һәқтә сөз қилип: «чошқа бақмичилиқи вә зәр мүңгүз бағвәнчилики наһийәмиздики йеза-игилик қурулмисиниң кәсплишишини зор дәриҗидә алға сүриду,» дегән. Хәвәрдә йәнә бу қурулуш тамам болғандин кейин буниң давами үчүн қушхана, чоң типтики җувазхана  қатарлиқларниңму селинидиғанлиқи ейтилған.

Хитай һөкүмити йеқиндин буян уйғур диярида чошқа бақмичилиқини зор күч билән йолға қоюп, уйғурларниң чошқа гөши йейишни түрлүк усуллар билән тәшвиқ қилмақтикән. Хитай даирилириниң чошқа бақмичилиқ базилирини мәхсус уйғурлар мутләқ көп санни тәшкил қилидиған бай наһийәсигә орунлаштуруши муһаҗирәттики ‍уйғурларниң ғәзипини қозғаватқан темилардин болуп қалмақта.

Униң үстигә зәр мүңгүз бағвәнчилики үчүн лазимлиқ шунчә көп йәрләрниң нәдин кәлгәнликиму намәлум икән. Техиму муһими зәр мүңгүз уруқидин су мейи вә чай пишшиқлап ишләш һәмдә чошқа бақмичилиқи җәрянидики әхләтлириниң муһитни қайси дәриҗидә булғайдиғанлиқи болса техиму зор бир мәсилә болуп қалмақта икән.

Пикирләр (0)
Share
Толуқ бәт