Уйғур районида байрақ чиқиришқа 6 қетим қатнашмиған адәм тутқун қилиниду

Мухбиримиз әркин
2017-12-04
Елхәт
Пикир
Share
Принт

Уйғур районида сақчи даирилириниң мәхсус баһалаш түзүми йолға қоюп, байрақ чиқиришқа 6 қетим қатнашмиған кишиниң тутқун қилинидиғанлиқи илгири сүрүлди.

Вәқәдин хәвәрдар кишиләрниң радиомизға ашкарилишичә, сақчи даирилири уйғур районида уйғур, қазақ қатарлиқ йәрлик хәлқләрни баһалаш түзүми йолға қойған. Мәзкур түзүм бойичә бир қетим байрақ чиқиришқа қатнашмиған кишигә бир қара чекити қоюлидикән. 3 Қетим қара чекит қоюлса бу бир қизил чекиткә өзгүрүдикән.

Һазир сәуди әрәбистанда туруватқан уйғур районлуқ бир аһалә 3‏-декабир радиойимизниң хоңкоңда турушлуқ мухбириға бәргән учурида, әгәр һәрқандақ бир йәрлик аһалә 6 қетим байрақ чиқиришқа қатнашмай 2 қизил чекит алса, униң дәрһал тутқун қилинип, йепиқ тәрбийәләш мәркизигә йоллинидиғанлиқини билдүргән. Униң қәйт қилишичә, уйғур елиниң һәр қайси вилайәт, областлиридики сақчи органлири юқириниң чүшүргән адәм тутуш көрсәткүчини орундаш үчүн бу хил чарини ойлап тапқан.

Алтай вилайитиниң қаба наһийәсидә олтурушлуқ бир йәрлик аһалә дүшәнбә күни мухбиримизға бәргән учурида, байрақ чиқиришқа қатнашмиған, дөләт марши ейтмиған кишиләрниң номури тартилип, еғир ақивәткә қалидиғанлиқи, деһқан-чарвичи болса йери мусадирә қилинидиғанлиқини билдүргән.

Борталаниң җиң наһийәсидә олтурушлуқ бир аһалә, бу йил 11‏-айдин бери мәзкур наһийәдә 500 йәрлик мусулман аһалиси тутқун қилинғанлиқини, уларниң 243 нәпири қазақ, 18 нәпири уйғур, қалғини туңган икәнликини илгири сүргән.

Мәзкру наһийәдики йәнә бир кәнт аһалиси һазир һөкүмәт даирилириниң йәрлик хәлқләргә мәҗбури дөләт марши ейтқузиватқналиқини билдүрүп, «һазир пүтүн шинҗаң мәдәнийәт инқилабидики әһвалда туруватиду» дегән.

Пикирләр (0)
Share
Толуқ бәт