Uyghur rayonida bayraq chiqirishqa 6 qétim qatnashmighan adem tutqun qilinidu

Muxbirimiz erkin
2017-12-04
Élxet
Pikir
Share
Print

Uyghur rayonida saqchi da'irilirining mexsus bahalash tüzümi yolgha qoyup, bayraq chiqirishqa 6 qétim qatnashmighan kishining tutqun qilinidighanliqi ilgiri sürüldi.

Weqedin xewerdar kishilerning radi'omizgha ashkarilishiche, saqchi da'iriliri Uyghur rayonida Uyghur, qazaq qatarliq yerlik xelqlerni bahalash tüzümi yolgha qoyghan. Mezkur tüzüm boyiche bir qétim bayraq chiqirishqa qatnashmighan kishige bir qara chékiti qoyulidiken. 3 Qétim qara chékit qoyulsa bu bir qizil chékitke özgürüdiken.

Hazir se'udi erebistanda turuwatqan Uyghur rayonluq bir ahale 3‏-dékabir radi'oyimizning xongkongda turushluq muxbirigha bergen uchurida, eger herqandaq bir yerlik ahale 6 qétim bayraq chiqirishqa qatnashmay 2 qizil chékit alsa, uning derhal tutqun qilinip, yépiq terbiyelesh merkizige yollinidighanliqini bildürgen. Uning qeyt qilishiche, Uyghur élining her qaysi wilayet, oblastliridiki saqchi organliri yuqirining chüshürgen adem tutush körsetküchini orundash üchün bu xil charini oylap tapqan.

Altay wilayitining qaba nahiyeside olturushluq bir yerlik ahale düshenbe küni muxbirimizgha bergen uchurida, bayraq chiqirishqa qatnashmighan, dölet marshi éytmighan kishilerning nomuri tartilip, éghir aqiwetke qalidighanliqi, déhqan-charwichi bolsa yéri musadire qilinidighanliqini bildürgen.

Bortalaning jing nahiyeside olturushluq bir ahale, bu yil 11‏-aydin béri mezkur nahiyede 500 yerlik musulman ahalisi tutqun qilin'ghanliqini, ularning 243 nepiri qazaq, 18 nepiri Uyghur, qalghini tunggan ikenlikini ilgiri sürgen.

Mezkru nahiyediki yene bir kent ahalisi hazir hökümet da'irilirining yerlik xelqlerge mejburi dölet marshi éytquziwatqnaliqini bildürüp, "Hazir pütün shinjang medeniyet inqilabidiki ehwalda turuwatidu" dégen.

Toluq bet