ئۇيغۇرلار دىيارىدىكى «بازار سەيلىسى» نىڭ «مىللەتلەر ئىتتىپاقلىقى» ئۈچۈن خىزمەت قىلدۇرۇلۇۋاتقانلىقى دىققەت قوزغىدى

مۇخبىرىمىز ئەزىز
2016.10.24

22-ئۆكتەبىر توقسۇن ناھىيىسىدە باشلانغان تۇنجى قېتىملىق «بازار سەيلىسى ساياھەت مەدەنىيەت بايرىمى» پائالىيىتىنىڭ ئۇيغۇرلاردىكى ئەنئەنىۋى مەدەنىيەتنى تەشۋىق قىلىش نامىدا خىتاي ھۆكۈمىتى ئۇيغۇرلار دىيارىدا يېڭىۋاشتىن يولغا قويۇۋاتقان «مىللەتلەر ئىتتىپاقلىقى» تەشۋىقاتى ئۈچۈن خىزمەت قىلدۇرۇلۇۋاتقانلىقى مەلۇم بولماقتا.

خىتايدىكى «خەلق تورى» نىڭ 24-ئۆكتەبىردىكى مەلۇماتلىرىغا ئاساسلانغاندا، توقسۇندىكى ئۇيغۇر ئامما خىتايلارنىڭ ياڭگېر ئۇسسۇلىنى ئوينىغان، خىتاي كۆچمەنلىرى بولسا ئۇيغۇرچە كىيىنگەن ھەمدە ئۇيغۇرچە ئۇسسۇل ماھارىتىنى كۆرسەتكەن. بۇ جەرياندا يەرلىك ئاممىنىڭ خىتايچە ئۇسسۇل ئويناش ئارقىلىق «بارچە مىللەتلەر ئىتتىپاقلىشىپ بىر ئائىلە كىشىلىرىدەك ئۆتەيلى» دېگەن شوئارغا مەدھىيە ئوقۇغانلىقى ئالاھىدە گەۋدىلەندۈرۈلگەن.

ئالاقىدار ئۇچۇرلاردىن مەلۇم بولۇشىچە، خىتاي دائىرىلىرى ھازىر ئۇيغۇرلار دىيارىدىكى «مىللەتلەر ئىتتىپاقلىقى» تەشۋىقاتىنى زور كۈچ بىلەن يولغا قويۇۋاتقان بولۇپ، ئۇيغۇرلار ۋەزىيىتىنى كۆزەتكۈچىلەر بۇ ھالنى «ئۇيغۇرلارنى ئاسسىمىلياتسىيە قىلىشتىكى ۋاسىتىلەرنىڭ بىرى» دەپ قارىماقتا.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.