BBC Xewer téléwiziyesi Uyghur élidiki lagér mesilisige keng orun bermekte

Muxbirimiz irade
2018-12-11
Élxet
Pikir
Share
Print

En'gliyening nopuzluq xewer agéntliqliridin BBC xitay hökümitining Uyghur élide yolgha qoyuwatqan siyasetliri we lagér tüzümi heqqide bir sa'etlik programma tarqatti.

8-Dékabir, yeni ötken shenbe küni tarqitilghan bu programma BBC agéntliqi muxbirining Uyghur élidiki biwasite tekshürüshliri shundaqla türkiyediki bir qisim Uyghurlar bilen élip barghan ziyaretliri asasida teyyarlan'ghan. BBC De tarqitilghan bu programmida Uyghur élide yolgha qoyuluwatqan lagér tüzümi we uninggha yandash kélip chiqqan éghir aqiwetler tepsiliy bayan qilinish arqiliq Uyghurlarning nöwettiki éghir weziyiti nahayiti roshen yorutup

Programmida muxbirning Uyghur élide tartqan lagér körünüshliridin bashqa yene Google sün'iy hemrahi arqiliq tartilghan resimlerdiki lagér körünüshliri mexsus mutexessisler teripidin analiz qildurulush arqiliq bu lagérlarda bir milyondin oshuq kishi yétiwatqanliqi tilgha élin'ghan. Programmida Uyghur élidiki lagérdin qutulup chiqqandin kéyin, hazir türkiyede yashawatqan bir qisim Uyghurlarning lagér heqqidiki bayanliri orun alghan.

Melum bolushiche, BBC agéntliqi 12-dékabir küni dunya xewerliri sehipiside yene "Xitayning mexpiy lagérliri" mawzuluq programma tarqitidiken.

Toluq bet