BBC Агентлиқи: уйғурлар сиясий дәрд - әләмлири вә диний һәсрәтлирини очуқ ипадилийәлмәйду

Мухбиримиз җүмә
2015.01.03


Әнгилийәдин чиқидиған BBC агентлиқи йеқинда уйғур елигә мухбир әвәтип мәхсус хәвәр ишлигән вә уйғурларниң нөвәттики вәзийитини сүрәтләшкә тиришқан.

BBC Ниң 2 - январдики хәвиригә қариғанда, қәшқәрдики бир кәчлик базарни зиярәт қилған BBC мухбири кәрий грейси ханим уйғурларниң еғир сиясий тәһдит ичидә яшаватқанлиқини сүрәтләп мундақ дәйду: сиз бу базардики кишиләрни унчилик арамхуда олтуриду, дәп ойлап қалмаң. Сиз улардин немә тамақ йәватқанлиқини, қандақ тумақ кийгәнликини сориялайсиз, әмма улар өзиниң сиясий дәрд - әләмлири вә диний һәсрәтлирини очуқ ипадилийәлмәйду.

Мухбир мәхсус программида йәнә, уйғур елидики чәкләш вә аталмиш террорлуққа қариши туруш үчүн йолға қоюлған тәдбирләрниң инсаний әркинликни еғир дәпсәндә қилғанлиқини баян қилиду вә уйғурларниң еғир җаза түпәйли, өзлири йолуқуватқан тәңсиз вәзийәт үстидә гәп ичиштин еһтият қилидиғанлиқини тонуштуруп өтиду.

Программида мухбир мунуларни баян қилиду: һөкүмәтниң мәзкур өлкидә сақчи хам чотини бир нәччә һәссә өстүрүп, нәччә йүзлигән уйғурни түрмигә ташлишиға қаримай, зораванлиқ түсидики һуҗумлар изчил йүз берип турди. Көзәткүчиләр, хитайниң диний бастуруш сиясити арқилиқ мәсилини техиму улғайтиватқанлиқини билдүрүшмәктә.

Программиға қариғанда, мухбир ақту наһийисиниң үҗмә йезисиға берип, 2013 - йили 28 - өктәбир тйәнәнмен аптомобил һуҗумини тәшкиллигән осман һәсәнниң мәһәллиси тәкшүрүшкә ориниду.

Һалбуки, уларниң һәр иккила қетимлиқ мәхпий вә очуқ - ашкара сәпири хитай сақчилириниң тосқунлуқиға учрайду.

Өткән йили сентәбирдә уйғур елини зиярәт қилип мәхсус программа ишлигән австралийә мухбири стефен мкдонелму әнглийә мухбириға охшаш қисмәткә йолуққан.

У, нәгила барса хитай мәхпий сақчилири арқисиға әгишивалғанлиқини наһайити қизиқарлиқ баян қилип мәхсус программа ишлигән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.