BBC Xitayda yüz bergen lagérdiki jinsiy xorlashtek weqelerni" Toghra, adil" xewer qilip kelgenlikini bildürdi

Muxbirimiz erkin
2021-02-05
Share

En'gliyening dunyadiki nopuzluq axbarat orgini – BBC özining xitayda yüz bergen korona wirusi yuqumi, lagérdiki Uyghurlarning sistémiliq jinsiy xorlashqa uchrishidek weqelerni "Toghra we adil" xewer qilip kelgenlikini bildürüp, xitay tashqi ishlar ministirliqining bu jehettiki tenqidlirini ret qilghan.
BBC Agéntliqi 3-féwral küni lagérdiki Uyghur ayallirining sistémiliq qiyin-qistaq we jinsiy xorlashqa uchrawatqanliqi toghrisida bir doklat élan qilghan. BBC Ning doklati dunyada qattiq zil-zilzile qozghap, xitayni qattiq bi'aram qilghanidi.

Xitay hökümiti dunyadiki mezkur nopuzluq axbarat orginining bergen xewerlirini "Yalghan, idé'ologiyilik bir tereplimilik xewerler" dep eyibligen.
BBC Agéntliqi 3-féwral élan qilghan doklatida xitayning Uyghur élidiki jaza lagérlirida yétip chiqqan Uyghur ayal shahitlirining guwahliqigha yer bergen. Roytérs agéntliqining xewer qilishiche, BBC agéntliqi, 4-féwral bayanat élan qilip, "Biz xitayda yüz bergen weqeler toghrisida bergen xewerlirimizning toghra we adil ikenlikide qet'iy ching turimiz. Yalghan xewer we idé'ologiyilik bir tereplimilik dégendek asassiz eyibleshlerni ret qilimiz" dégen.

Xitay tashqi ishlar ministirliqi 4-féwral künidiki axbarat yighinida, BBC ning doklatini héchqandaq pakit asasi yoq, dep eyiblep lagérda yétip chiqqan Uyghur ayal shahitlirigha hujum qilghan. Xitayning "Yershari waqti" géziti 5-féwral tehrirat maqalisi élan qilip, BBC ni "Zhurnalstliq exlaqigha éghir xilapliq qildi" dep eyibligen. Biraq roytérs agéntliqining xewiride éytilishiche, BBC bayanatida özlirining dawamliq "Qorqmay we héchkimge mayil bolmay" xewer béridighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet