B d t tekshürüsh guruppisi: "Bérma herbiy emeldarliri irqiy qirghinchiliq jawabkarliqigha tartilishi kérek"

Muxbirimiz erkin
2018-08-27
Élxet
Pikir
Share
Print

B d t ning bir kishilik hoquq tekshürüsh guruppisi düshenbe küni bérma herbiy emeldarlirining rohingga musulmanlirigha "Irqiy qirghinchiliq" élip bérish bilen jazalinishini telep qildi.

Tekshürüsh guruppisi rohingga musulmanlirigha qarita sistémiliq qirghinchiliq élip bérishta jawabkarliqi bar dep qaralghan 6 neper bérma herbiy géniralining ismini tilgha alghan.

Tekshürüsh guruppisi düshenbe küni özining tunji tekshürüsh doklatini b d t gha yollap, bu chaqiriqni otturigha qoydi.

Birleshme agéntliqining xewiride tekitlishiche, b d t xadimliri tunji qétim birma herbiy da'irilirining qilmishini qattiq sözler bilen eyibligen. Xitay birmining musulmanlargha qarshi élip barghan "Qirghinchiliq heriketliri"de izchil birma hökümitini qollap kelgen idi.

Uyghur teshkilatlirining ilgiri sürüshiche, b d t xadimlirining xitay hökümiti 3 milyondek Uyghurni yighiwélish lagérlirigha we terbiyelesh merkezlirige yighiwélip, dunyada endishe qozghawatqan mezgilde birma herbiy emeldarlirini jinayi jawabkarliqqa tartishni telep qilishining ehmiyiti zor iken. Ular buni "Xitay merkizi hökümitidiki alaqidar emeldarlar we Uyghur aptonom rayonluq partkom sékrétari chin chüen'go bashchiliqidiki yerlik emeldarlar üchün küchlük bir signal" dep körsetmekte.

Yéqinda b d t ning bir komitéti xitayning 3 milyondek Uyghurni yighiwélish lagérlirida we terbiyelesh merkezliride tutup turushigha chüshenche bérishni telep qilghan. Uning sel aldida amérikining diniy erkinlik ishlirigha mes'ul bir emeldari aq saraygha teklip sunup, amérikining "Magnitiskiy kishilik hoquq qanuni" ishqa sélip, chén chüen'go bashchiliqidiki bezi emeldarlarni jazalashni otturigha qoyghan.

Birleshme agéntliqining xewiride körsitishiche, b d t ning 3 kishilik tekshürüsh guruppisi rohingga musapirlirini, sün'iy hemrah resimlirini we bashqa uchurlarni inichilik bilen tekshürüsh arqiliq bu doklatni teyyarlighan.

Tekshürüsh guruppisining bashliqi, marzuki darusman düshenbe küni ötküzgen axbarat yighinida, "Birma herbiylirining insan hayati, izzet -hörmiti we erkinlikini xorlishi pütün birma xelqining we xelq'ara jem'iyetning endishisini qozghishi kérek"dégen.

Toluq bet