“б д т килимат өзгириши рамка әһдинамиси” хам лайиһәси тамамлиди

Мухбиримиз җүмә
2015-12-12
Share


Икки һәптидин буян парижда музакирә қилиниватқан дуня килимат сөһбити шәнбә күни нәтиҗигә еришти. Һәр қайси дөләтләрниң дипломатлири килимат контрол қилиш мәсилидә пикир бирлики һасил қилип, келишимниң тунҗи хам лайиһәси тамамланғанлиқини җакарлиди.

Буни җакарлиған фирансийә ташқи қишлар министири лаурент фабиус мәзкур келишимниң “адил вә қануний салаһийәткә игә” икәнликини билдүрди.

Әгәр бу келишим рәсмий қобул қилинип йолға қоюлса, мәзкур келишим бойичә йәршариниң оттуричә иссиш температуриси 2 селсийә градус әтрапида контрол қилинидикән.

Келишимниң хам лайиһәси нөвәттә мәзкур йиғинға қатнишиватқан дөләтләрниң вәкиллиригә тапшурулған.

Бу һәқтики ахбарат елан қилиш йиғинда соз қилған б д т баш катипи бан ки мун: “биз һәммимизгә һаятлиқ тәминләватқан бу планетини қоғдишимиз керәк” деди.

“б д т килимат өзгириши рамка әһдинамиси” йиғиниға 196 дөләтниң вәкиллири қатнишиватқан болуп, улар икки һәптидин буян дуня килиматини контрол қилиш мәсилисидә музакирә елип бериватқан иди.

“рамка әһдинамиси” ниң тунҗи қетимлиқи 1992 - йили биразилийәниң риоди жаниро шәһиридә ечилған алий дәриҗиликләр йиғинда һасил қилинған. 196 Дөләт әза бу әһдинамигә имза қойған әлләр 1995 - йилидин башлап һәр йили бир қетим учришип, килимат өзгиришигә қариши елиниватқан тәдбирләрниң тәрәққиятини баһалап чиқишини давамлаштуруп кәлгән.

Улар 1997 - йили японийәниң кюто шәһиридә “кюто келишими” ни имзалиған вә тәрәққий қилған дөләтләр һаваға қоюп беридиған парник еффекти газ нисбитини төвәнлитишкә келишкән иди.

Кюто әһдинамиси көзлигән нәтиҗидә бәрмигәндин кейин “рамка әһдинамиси” гә әза әлләр вәкиллири бу йил 30 - ноябиридин башлап фирансийәниң париж шәһәридә йиғилған вә килимат мәсилисини җиддий һәл қилиш чарилири үстидә сөһбәт башлиған иди.

Сөһбәт 11 - декабир аяғлишип тунҗи хам лайиһә бекитилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт