Xitayning Uyghur élidiki siyasiti b d t kishilik hoquq kéngishining yighinida köp döletlerning tenqidige uchrighan

Muxbirimiz erkin
2021-02-23
Share

Xitayning Uyghur élidiki siyasiti 22-féwral b d t kishilik hoquq kéngishining 46-nöwetlik yighinida kop döletlerning tenqidige uchrighan. Yighinda wang yi, xitayning Uyghurlargha "Irqiy qirghinchiliq" élip barghanliqini ret qilip, özlirining "Shinjangda térrorluqqa qarshi turush" tedbirlirini alghanliqi, "Shinjangning ijtima'iy muqimliq we tereqqiyattin" behrimen boluwatqanliqi, yéqinqi 4 yil mabeynide héchqandaq "Térrorluq weqesi" yüz bermigenlikini ilgiri sürgen.

Biraq roytérs agéntliqining xewer qilishiche, yighinda gérmaniye tashqi ishlar ministiri xeyko ma'as, weziyetning "Shinjangdiki Uyghurlargha oxshash az sanliq milletlerni xalighanche tutqun qilish yaki xitayning xongkongda puqralar erkinlikini basturushigha diqqet qilishni telep qiliwatqanliqi" ni bildürgen. Türkiye tashqi ishlar ministiri mewlut chawush'oghlu, bu mesilide xitayning ochuq-ashkara bolushini kütidighanliqi, shuningdek Uyghur we "Shinjangdiki bashqa musulmanlarning hoquqini qoghdashqa" chaqirghan.

Buning aldida en'gliye tashqi ishlar ministiri dominik rab "Shinjangdiki Uyghurlargha qarita élip bérilghan" "Keng kölemlik ten jazasi, mejburiy emgek, tughmas qilish" heriketlirini eyibligen. U sözide "Irqiy qirghinchiliq" dégen sözni ishletmigen bolsimu, biraq "Shinjangdiki ehwalning töwen chektin halqip ketkenliki" ni bildürgenidi. Biraq yighinda wang yi "Shinjangning ishikining her waqit ochuq" ikenlikini, b d t kishilik hoquq aliy komissarining "Shinjangni ziyaret qilishini qarshi alidighanliqi" ni bildürgen, lékin néme üchün ziyaretchilerning xalighan jayni tekshürüshige yol qoymaydighanliqigha chüshenche bermigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet