B d t kishilik hoquq aliy komissari Uyghur élida "Musteqil we etrapliq tekshürüsh" élip bérish lazimliqini bildürdi

Muxbirimiz erkin
2021-02-26
Share

B d t ning kishilik hoquq aliy komissari mishél bachilét 26-féwral Uyghur élining kishilik hoquq weziyiti üstidin "Musteqil we etrapliq balahash" élip bérish lazimnliqini bildürgen. Bachilétning bildürüshiche, uning ishxanisi bachilétning xitayni ziyaret qilishi uchun "Ortaq bir ölchem" tépish üchün sözleshmekte iken. Mishel bachilétning ishxanisi u bu wezipige olturghan 2018-yildin burunla xitay bilen kishilik hoquq aliy komissarining Uyghur élini ziyaret qilishqa orunlashturushni sözliship kelgen. Biraq xitay aldinqi shert qoyup turuwalghachqa, uning rayonda ziyarette bolushi hazirgha qeder emelge ashmighan idi.

Mishel bachilét Uyghur élida "Musteqil we etrapliq" tekshürüsh élip bérish telipini amérika, kanada we gollandiye xitayning Uyghurlargha qaratqan zulumlirini "Irqiy qirghinchliq" dep étirap qilishining arqidinla otturigha qoyghan. Birleshme agéntliqining xewer qilishiche, bachilétning bayanatchisi rawina shamdasani, xitay bilen bachilétning ziyaritige yol achidighan "Teyyarliq tüsidiki téxnikiliq ziyaret" toghrisida dawamliq sözlishiwatqanliqi, biraq bu xil teyyarliq ziyaritining "Heqiqiy tekshürüsh élip bérishqa kapaletlik qilishi kérekliki" ni bildürgen.

Birlshme agéntliqining xewiride bildürüshiche, mishel bachilét 26-féwral küni "Ammigha ochuq-ashkara boluwatqan uchurlar shinjang Uyghur aptonom rayonida musteqil we etrapliq bahalash élip bérish lazimliqini körsetmekte" dégen. Bachilét özining ishxanisining Uyghur rayonidiki xalighanche tutqun qilish, kemsitish xaraktérlik mu'amile we lagérlardiki jinsiy basqunchiliq we bashqa kishilik hoquq mesililirige a'it doklatlargha qarap chiqiwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet