B d t ning Uyghur mesilisige jiddiy qarishi chaqiriq qilindi

Muxbirimiz alim séyitof
2020-03-12
Élxet
Pikir
Share
Print

Kishilik hoquqni közitish teshkilati bilen xelq'araliq kishilik hoquq mulazimet teshkilati 12-mart küni jenwede bayanat élan qilip, birleshken döletler teshkilati kishilik hoquq kéngishining Uyghur rayonida kündin-kün'ge yamanliship kétiwatqan kishilik hoquq mesilisige jiddiy qarishini telep qildi.

Ikki teshkilat ortaq élan qilghan bu bayanatta eger b d t kishilik hoquq kéngishi b d t ning bash sékrétari antoni'o gutérésning kishilik hoquqni qoghdash herikitini bashlash chaqiriqigha sel qarisa, u halda bu kéngeshning özige eza döletlerning jawapkarliqini sürüshtürüsh wezipisini beja keltürelmigenlikini ispatlaydiken.

Kishilik hoquqni közitish teshkilatning jenwede turushluq mudiri jon fishér mundaq dégen: "Xitay hökümiti b d t ning shinjangni shertsiz ziyaret qilish telipige qarshi inkar qilish, yalghanchiliq toqush we eza döletlerning özidiki musulman xelqlerge yürgüzgen kishilik hoquq qabahiti toghrisida éghiz achmasliq meqsitide bésim ishletken." u yene: "B d t kishilik hoquq kéngishidiki döletler kolléktip halda söz qilishi we musteqil halda tekshürüsh élip bérishni telep qilishi kérek," dédi.

Xelq'araliq kishilik hoquq mulazimet teshkilatining xadimi sara bruks mundaq dégen: "Xitay hökümiti bu kéngeshni özining shinjang teshwiqati bilen tolduruwetken bolsimu, emma eng muhim bolghini uning bash komissar bachélét xanimdin lagérdin chiqqanlardin, ularning uruq-tughqanliridin, a'ilisidin, mutexessislerdin we kishilik hoquq pa'aliyetchiliridin tunji qol uchurgha érishishi halqiliqtur."

Toluq bet