Xitayning Uyghurlarni b d t gha kirgüzmeslik pilani aqmidi

Muxbirimiz erkin
2018-07-06
Share

Xitay, rusiye we pakistan qatarliq 3 döletning b d t kishilik hoquq kéngishide otturigha qoyghan kishilik hoquq pa'aliyetchilirining b d t da sözlishini kontrol qilish heqqidiki nahiyesi jüme küni awazgha qoyulup ret qilindi.

Roytérs agéntliqining xewer qilishiche, kishilik hoquq kéngishi yuqiriqi 3 döletning lahiyesini ret qilip, chilining ammiwi teshkilatlargha tehdit sélish, qorqutush we jazalashni toxtitish shundaqla ularni qoghdash heqqidiki lahiyesini qobul qilghan. Chili mezkur lahiyeni kishilik hoquq kéngishige eza 50 nechche döletke wakaliten teyyarlighan.

Lékin xitay, rusiye we pakistan qatarliq döletler uninggha qarshi chiqip, özlirining lahiyesini otturigha qoyghan. Ularning layiheside ammiwi teshkilatlarning "Döletlerning igilik hoquqi we zémin pütünlükige hörmet qilishi", maliye menbesining "Qanunluq we ochuq-ashkara bolushi" telep qilin'ghan. Xitay hökümiti Uyghur wekillirining b d t yighinlirigha qatniship, Uyghur diyaridiki kishilik hoquq buzghunchiliqlirini pash qilishigha izchil qarshi turup kelgen.

Xitayning b d t ijtima'iy-iqtisadi kéngishide turushluq wekili yéqinda d u q ning re'isi dolqun eysaning mezkur organning nyu-yorktiki yighinigha qatnishishigha qarshi turup, amérika wekili bilen tutushup qalghan. Roytérs agéntliqining xewiride ashkarilishiche, xitay b d t kishilik hoquq kéngishining 3 hepte awwal jenwede bashlan'ghan 38-nöwetlik yighinidimu dolqun eysagha kashila chiqirishqa urun'ghan'ghan bolsimu, lékin meghlup bolghan. Xelq'ara kishilik hoquq xizmiti teshkilatining xadimi sarah bruk roytérs agéntliqigha qilghan sözide "Bu döletlerning ammiwi teshkilatlargha cheklime qoyush, ularning awazini boghush tirishchanliqi eza döletler teripidin küchlük rewishte ret qilinip, b d t da kishilik hoquq qoghdighuchilirining awazini saqlap qélipshning muhimliqi tekitlendi," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.