B d t kishilik hoquq aliy komissari "Shinjangda tekshürüsh élip baralmighanliqidin epsuslan'ghanliqi" ni bildürgen

Muxbirimiz erkin
2021-09-13
Share

B d t ning kishilik hoquq aliy komissi'ari mishél bachilét 13‏-séntebir özining Uyghur élida tekshürüsh élip bérip, mezkur rayonda Uyghur musulmanlirigha qarita éghir kishilik hoquq depsendichiliki sadir boluwatqanliqigha da'ir xewerlerni éniqlashqa muweppeq bolalmighanliqidin epsuslan'ghanliqini bildürgen.

Mishél bachélétning éytishiche, u Uyghur élini ziyaret qilishqa muweppeq bolalmighan bolsimu, biraq mezkur rayonning weziyitige da'ir doklatini axirlashturush basquchigha kélip qalghan iken.

Xitay hökümiti Uyghur élining tashqiy dunyagha ochuq ikenlikini tekitlisimu, biraq b d t kishilik hoquq aliy komissarining rayonda tekshürüsh élip bérish teleplirige izchil aldinqi shert qoyup, herqandaq tekshürüshning "Dostane ziyaret" bolushini, "Jinayi pakit toplash" meqsitide bolmasliqini telep qilip kelgen.

Kishilik hoquq teshkilatliri xitayning bu arqiliq az digende bir milyon 800 ming Uyghurni lagér we türmilerge qamash, yüz minglighan Uyghur balilirini a'ilisidin ayrip, yitimxanilargha orunlashturush, tughutni cheklep, Uyghur nupusini azaytish, ularni yurt-makanliridin yötkesh, qul emgikige sélishtek bir qatar "Irqiy qirghinchiliq" qilmishlirini yoshurmaqchi boliwatqanliqini ilgiri sürüp keldi.

Roytérs agéntliqining xewer qilishiche, mishél bachilét yuqiriqi sözni b d t kishilik hoquq kéngishining 13‏-séntebir jenwede ötküzülgen échilish murasimida qilghan bolup, u: "Méning shinjang Uyghur aptonom rayonida heqiqiy rewishte tekshürüsh élip bérish tirishqanliqim ishqa ashmidi, bu heqte doklat bérelmigenlikimdin epsuslinimen," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet