Аммиви тәшкилатлар бирликтә б д т дин хитайниң кишилик һоқуқ дәпсәндичиликигә қарши қарар мақуллашни тәләп қилди

Мухбиримиз ирадә
2019-01-30
Елхәт
Пикир
Share
Принт

Дуняниң һәрқайси җайлиридики аммиви тәшкилатлар бирләшкән дөләтләр тәшкилатини хитайниң кишилик һоқуқ дәпсәндичиликлиригә қарши бир қарар мақуллашқа чақирмақта.

Хитай һөкүмитиниң уйғур елидә уйғур вә башқа түркий милләтләрни «йепиқ тәрбийә лагерлири» ға қамап, уларниң кишилик һоқуқини еғир дәриҗидә дәпсәндә қиливатқанлиқи күчлүк наразилиқ қозғаватқан бир пәйттә, дуняниң һәрқайси җайлиридики 30 дин ошуқ аммиви тәшкилатлар бирликтә очуқ мәктуп елан қилип, бирләшкән дөләтләр тәшкилати кишилик һоқуқ комиссарлиқи вә униң әзалиридин хитайниң кишилик һоқуқ дәпсәндичиликини әйибләш һәққидә бир қарар қобул қилишни тәләп қилди.

30-январ чаршәнбә күни елан қилинған мәзкур очуқ хәткә америка қәләмкәшләр җәмийити, дуня уйғур қурултийи, әркин тибәт, хитайдики кишилик һоқуқ қоғдиғучилири қатарлиқ 37 аммиви тәшкилат аваз қошқан.

Очуқ хәттә б д т кишилик һоқуқ алий комиссарлиқиға әза дөләтләрниң ортақ һалда хитайниң кишилик һоқуқ хатирисини тәкшүрүш үчүн мустәқил зиярәт қилишни тәләп қилиши, болупму уйғур ели, тибәт қатарлиқ аз санлиқ милләт районлирини тәкшүрүши тәләп қилинған.

Мәлум болушичә, б д т кишилик һоқуқ комиссарлиқидики 47 әза дөләт бу йил 2-айниң 25-күни җәнвәдә 20-нөвәтлик омуми йиғинини ачидиған болуп, юқиридики бу тәшкилатлар мәктупида һәрқайси әза дөләтләрни өз мәсулийитини ада қилишқа үндигән.

Пикирләр (0)
Share
Толуқ бәт