Ammiwi teshkilatlar birlikte b d t din xitayning kishilik hoquq depsendichilikige qarshi qarar maqullashni telep qildi

Muxbirimiz irade
2019-01-30
Élxet
Pikir
Share
Print

Dunyaning herqaysi jayliridiki ammiwi teshkilatlar birleshken döletler teshkilatini xitayning kishilik hoquq depsendichiliklirige qarshi bir qarar maqullashqa chaqirmaqta.

Xitay hökümitining Uyghur élide Uyghur we bashqa türkiy milletlerni "Yépiq terbiye lagérliri" gha qamap, ularning kishilik hoquqini éghir derijide depsende qiliwatqanliqi küchlük naraziliq qozghawatqan bir peytte, dunyaning herqaysi jayliridiki 30 din oshuq ammiwi teshkilatlar birlikte ochuq mektup élan qilip, birleshken döletler teshkilati kishilik hoquq komissarliqi we uning ezaliridin xitayning kishilik hoquq depsendichilikini eyiblesh heqqide bir qarar qobul qilishni telep qildi.

30-Yanwar charshenbe küni élan qilin'ghan mezkur ochuq xetke amérika qelemkeshler jem'iyiti, dunya Uyghur qurultiyi, erkin tibet, xitaydiki kishilik hoquq qoghdighuchiliri qatarliq 37 ammiwi teshkilat awaz qoshqan.

Ochuq xette b d t kishilik hoquq aliy komissarliqigha eza döletlerning ortaq halda xitayning kishilik hoquq xatirisini tekshürüsh üchün musteqil ziyaret qilishni telep qilishi, bolupmu Uyghur éli, tibet qatarliq az sanliq millet rayonlirini tekshürüshi telep qilin'ghan.

Melum bolushiche, b d t kishilik hoquq komissarliqidiki 47 eza dölet bu yil 2-ayning 25-küni jenwede 20-nöwetlik omumi yighinini achidighan bolup, yuqiridiki bu teshkilatlar mektupida herqaysi eza döletlerni öz mes'uliyitini ada qilishqa ündigen.

Toluq bet