Б д т ниң баш катипи уйғурлар үчүн аваз чиқиришқа чақирилди

Мухбиримиз сада
2019-04-24
Елхәт
Пикир
Share
Принт

Йеқинда «блумберг» гезитидә «б д т ниң баш катипи қачан уйғурлар үчүн сөз қилиду?» сәрләвһилик мақалә елан қилинди.

«Блумберг» гезитиниң 23-апрелдики саниға бесилған мәзкур мақалидин мәлум болушичә, б д т ниң баш катипи антонийо гутрес мушу һәптә хитайниң «бир йол, бир бәлвағ» қурулуши һәққидики мәхсус йиғиниға қатнишиш үчүн бейҗиңға баридикән. Мақалидә б д т баш катипи антонийо бейҗиңда болған мәзгилидә уйғур мәсилисини тилға елишқа чақирилған.

Мақалидә йәнә нуқтилиқ қилип бултур декабирда б д т ирқий айримичилиққа қарши туруш комитетиниң хитайниң уйғурларни кәң көләмлик вә системилиқ тутқун қилишиға қарита елан қилған доклати вә б д т ниң кишилик һоқуққа мәсул алий комиссариниң хитайдин уйғур районни зиярәт қилишни тәләп қилғанлиқи тилға елинған.

Мақалә апториниң билдүрүшичә, б д т ниң баш катиплиқ вәзиписини өтәватқан юқири лавазимдики бир киши хитайдики зиярити җәрянида чоқум бирләшкән дөләтләр тәшкилатиниң асасий принсиплирида чиң туруши керәк икән.

Алдинқи мәзгилләрдә американиң муавин президенти майк пәнс, америка ташқи ишлар министири майк помпейо қатарлиқлар уйғурларниң вәзийити үчүн сөз қилған иди. Анализчилар антонийо гутресниң инкас билдүрүши уйғурларниң әһвалини дуняға тонутушта техиму чоң рол ойнайдиғанлиқини тәхмин қилишмақта.

Пикирләр (0)
Share
Толуқ бәт