B d t ning bash katipi Uyghurlar üchün awaz chiqirishqa chaqirildi

Muxbirimiz sada
2019-04-24
Élxet
Pikir
Share
Print

Yéqinda "Blumbérg" gézitide "B d t ning bash katipi qachan Uyghurlar üchün söz qilidu?" serlewhilik maqale élan qilindi.

"Blumbérg" gézitining 23-apréldiki sanigha bésilghan mezkur maqalidin melum bolushiche, b d t ning bash katipi antoniyo gutrés mushu hepte xitayning "Bir yol, bir belwagh" qurulushi heqqidiki mexsus yighinigha qatnishish üchün béyjinggha baridiken. Maqalide b d t bash katipi antoniyo béyjingda bolghan mezgilide Uyghur mesilisini tilgha élishqa chaqirilghan.

Maqalide yene nuqtiliq qilip bultur dékabirda b d t irqiy ayrimichiliqqa qarshi turush komitétining xitayning Uyghurlarni keng kölemlik we sistémiliq tutqun qilishigha qarita élan qilghan doklati we b d t ning kishilik hoquqqa mes'ul aliy komissarining xitaydin Uyghur rayonni ziyaret qilishni telep qilghanliqi tilgha élin'ghan.

Maqale aptorining bildürüshiche, b d t ning bash katipliq wezipisini ötewatqan yuqiri lawazimdiki bir kishi xitaydiki ziyariti jeryanida choqum birleshken döletler teshkilatining asasiy prinsiplirida ching turushi kérek iken.

Aldinqi mezgillerde amérikaning mu'awin prézidénti mayk pens, amérika tashqi ishlar ministiri mayk pompéyo qatarliqlar Uyghurlarning weziyiti üchün söz qilghan idi. Analizchilar antoniyo gutrésning inkas bildürüshi Uyghurlarning ehwalini dunyagha tonutushta téximu chong rol oynaydighanliqini texmin qilishmaqta.

Toluq bet