B d t ning bash katipi yene bir qétim Uyghurlar üchün awaz chiqirishqa chaqirildi

Muxbirimiz sada
2019-09-18
Élxet
Pikir
Share
Print

Kishilik hoquqni közitish teshkilati, xelq'ara kechürüm teshkilati, xelq'ara kishilik hoquq birleshmisi, xelq'ara qanunshunashlar kéngishi we dunya Uyghur qurultiyi qatarliq teshkilatlar 17-séntebir b d t ning bash katipi antoniyo gutrésqa xet yézip, uni özliri bilen birlikte Uyghurlar üchün awaz chiqirishqa chaqirdi.

17-Séntebir küni amérikadiki kishilik hoquqni közitish teshkilati élan qilghan xewerde qeyt qilinishiche, yuqiriqi teshkilatlar antoniyo gutrésni xitayning chékidin ashqan siyasiti we rayondiki "Siyasiy terbiye" lagérlirining derhal taqilishi üchün xitaygha qarita ochuq-ashkara hem keskin eyiblesh élip bérishqa ündigen.

Melum bolushiche, antoniyo gutrés mushundaq qilsa b d t da xizmet ötewatqan mezgilide b d t üchün eng muhim bolghan kishilik hoquq mesilisi üchün töhpe qoshqan hésablinidiken.

Kishilik hoquqni közitish teshkilatining ijra'iye diréktori kennis rus söz qilip, "Antoniyo gutrés b d t diki hoquqidin paydilinip turup xitay emeldarlirigha Uyghur diyaridiki lagérlarni taqash üchün keskin chaqiriq qilishi kérek. Xitayning eng yéngi basturush dolqunlirining qurbanlirigha ayliniwatqan sansizlighan kishilerning teqdiri gutrésning béyjing da'irilirining qarshisida turup ulardin Uyghurlargha qiliwatqan ziyankeshliklirini axirlashturushni telep qilish-qilalmasliqigha baghliq," dégen.

Xewerde antoniyo gutrésqa xet yazghan yuqiriqi teshkilatlar uni b d t kishilik hoquq kéngishining aliy komissari mishél bechlétning rayonda cheklimisiz ziyarette bolushi üchün xitaygha bésim ishlitishi kérekliki éytip ötülgen shundaqla xitayning Uyghurlarni basturush qilmishlirigha qattiq reddiye bildürüp, kishilik hoquq terepdari bolushi kérekliki algha sürülgen.

Toluq bet