Xitayning b d t kishilik hoquq kéngshining bir komitétigha tallinishi kishilik hoquq teshkilatlirida endishe qozghidi

Muxbirimiz erkin
2020-04-06
Élxet
Pikir
Share
Print

Xitayning b d t kishilik hoquq kéngishining halqiliq bir komitétigha tallinishi kishilik hoquq teshkilatlirida endishe qozghighan. Shu munasiwet bilen merkizi jenwediki "B d t ni közitish" teshkilati bayanat élan qilip, b d t ning buninggha yol qoyushini "Bimenilik" we "Exlaqsizliq" dep eyibligen. Mezkur teshkilatning ijra'iye diréktori helil neyer, "Zalim we gheyriy insaniy xitay hakimiyitini söz erkinliki, xalighanche tutqun qilish we mejburiy ghayib qiliwétish qilmishlirini tekshüridighan xelq'ara tekshürgüchilerni békitishke tallash ot qoyush késili bar ademni bazarning ot öchürüsh bashliqi qilip teyinleshke oxshaydu" dégen.

Melum bolushiche, omman ötken charshenbe küni asiya guruppisigha wakaliten b d t kishilik hoquq kéngishige mektup yollap, xitayning 5 kishilik b d t meslihetchiler komitétigha tallan'ghanliqini bildürgen. Xitay korona wirusi yuqumini yoshurup, uning dunyawi yuqumgha aylinishini keltürüp chiqirish shundaqla 3 milyondek Uyghur we bashqa musulmanlarni lagérlargha qamap, ulargha qarita "Medeniyet qirghinchiliq" élip bérish bilen eyibliniwatqan mezgilde uning bu orun'gha tallinishi diqqet qozghidi.

"B d t ni közitish" teshkilatining ijra'iye diréktori neyerning tekitlishiche, "B d t ning zalim xitay hökümitining xelq'ara kishilik hoquq ölchemlirini shekillendüridighan, dunyadiki zorawanliqlarni doklat qilidighan emeldarlarni tallishigha yol qoyushi bimenilik we exlaqsizliq" iken. U, "Rén jichangdek özining puqralirini shundaqla bir milyondin artuq Uyghurni ghayib qiliwetken xitayning b d t mejburiy ghayib qiliwétishke qarshi turush xizmet guruppisining kéler nöwetlik ezalirini saylishida rol oynishigha yol qoyushning eqilge sighmaydighanliqi" ni tekitligen.

Toluq bet