B d t alahide doklat teyyarlighuchisi xitayda tosqunluqqa uchrighan

Muxbirimiz jüme
2017-05-03
Élxet
Pikir
Share
Print

B d t ning kishilik hoquq alahide doklat teyyarlighuchisi xitayda ziyarette bolghanda, puqrache kiyin'gen paylaqchilarning keynige kiriwalghanliqi, shunga xitayning kishilik hoquq ehwali heqqide doklat teyyarlashta qiyinchiliqqa yoluqqanliqini bildürdi.

Birleshme agéntliqining charshenbe küni xewer qilishiche, b d t ning namratliq we kishilik hoquq mesilisi boyiche alahide doklat teyyarlighuchisi filip alston ötken yili awghustta xitaygha kishilik hoquq doklati üchün tekshürüshke barghan.

Uning bildürüshiche, u negila barmisun, xitay hökümiti uning hökümetsiz teshkilat we bashqa organlar bilen biwasite alaqe qilishini chekligen we her qétim shexsiy uchrishishlar élip bérilghanda xitayning mexpiy xadimliri adettiki puqra salahiyiti bilen alston ependimge egishiwalghan.

Uning birleshme agéntliqigha éytqanlirigha qarighanda, xitayning mezkur qilmishliri b d t mutexessislirining ehwal igilishige tosqunluq qilmasliq, uchur bergüchilerning mexpiyetlikini saqlash shertlirige zit kélidiken.

Alston ependim xitayning kishilik hoquq ehwali heqqide tamamlighan doklatini bu yil iyun b d t kishilik hoquq kéngishide oqup ötidiken.

Xewerde otturigha qoyushiche, doklatqa xitayning uni hem u körüshmekchi bolghan pa'aliyetchilerni agahlandurghanliqi, bir qétimliq uchrishishning, körüshmekchi bolghan kishining tutqun qilinishi bilen royapqa chiqmighanliqini kirgüzgen.

Halbuki, xitay tashqi islar ministirliqi bayanatchisi gén shu'ang charshenbe küni bu heqtiki bayanlarni inkar qilghan we alston ependimning ziyaritining tosalghusiz élip bérilishigha kapaletlik qilin'ghanliqini bildürgen.

Uyghur élimu xitaydiki kishilik hoquq depsendichiliki eng éghir boluwatqan rayonlarning biri. Emma, filip alston ependining bu nöwet Uyghur élida tekshürüshte bolghan yaki bolmighanliqi namelum.

Toluq bet