Xitay tashqi ishlar ministirliqi b d t ni "Junggoning ichki ishlirigha arilashti" dep eyibligen

Muxbirimiz qutlan
2017-05-08
Élxet
Pikir
Share
Print

Xitayda tutqun qilin'ghan kishilik adwokatliridin shyé yangning délosi xelq'arada küchlük tesir peyda qilghan délolarning biri.

Mezkur délo 2015-yili yazda xitayda tutqun qilin'ghan yüzligen adwokat we ijtima'iy pa'aliyetchilerning délosi bilen birge "709 Basquni" dep atalghan.

Kishilik hoquq adwokati shyé yang tutqun qilin'ghandin kéyin xitay saqchilirining uni uzun mezgil uxlatmasliq, qiynaqqa élish we xorlash qatarliq usullar bilen soraq qilghanliqi heqqide xewerler tarqalghan.

Xitay kompartiyesining xelq'ara kaniyi hésablan'ghan "Yer shari waqit géziti" bügün shyé yangning sotlinishi heqqide mexsus widé'oluq xewer élan qilghan. Uningda shyé yangning éghizidin: "Men herqandaq shekildiki qiynashqa uchrimidim," dégen sözni dégüzgen.

Uningda shyé yangning sotchigha mundaq dégenliki körsitilgen: "Méning kallam gherbning qanun idiyeliri bilen yuyuluptu. Shu wejidin men junggoda gherbning qanunchiliq sistémisini tikleshke urunup, mewjut sistémini aghdurmaqchi boldum."

Changsha ottura xelq sot mehkimisi shyé yangni "Dölet hoquqini kemsundurushqa we sot tertipini buzushqa urun'ghan" dégen jinayet bilen eyibligen.

Shyé yangning adwokati chén jyenngang ötken hepte tutqun qilin'ghandin kéyin b d t kishilik hoquq ishxanisi xitayni eyibligen.

Halbuki, b d t diki 5 da'imiy eza döletning biri bolghan xitay bügün özining tashqi ishlar ministirliqi arqiliq inkas qayturup, b d t ni "Junggoning ichki ishlirigha arilashti," dep eyibligen.

Toluq bet