Kishilik hoquqni közitish teshkilati xitayning b d t diki urunushlirini tenqidlidi

Muxbirimiz irade
2017-06-08
Élxet
Pikir
Share
Print

Charshenbe küni kishilik hoquqni közitish teshkilati bayanat élan qilip, xitay hökümitining birleshken döletler teshkilatidiki kishilik hoquq mesililiri boyiche xizmet qilidighan ademlerni qisqartish we ulargha bérilidighan mebleghni azaytish üchün heriket qiliwatqanliqini tenqid qildi.

Bayanatta körsitilishiche, hazir b d t da yilliq xamchotni belgileydighan mezgil bolup, bu heqte échiliwatqan yighinlarda xitay hökümiti bolupmu afriqadiki herqaysi döletlerde turushluq 19 neper kishilik hoquq tekshürgüchi mutexessisini qisqartishqa hem shundaqla jenubiy sudan we mali qatarliq döletlerdiki b d t tekshürgüchilirige bérilidighan rasxotni kémeytish üchün jiddiy heriket qilmaqtiken.

Bu tekshürgüchi xadimlar adette shu turushluq döletlerning kishilik hoquq xatirisini közitish, yüz bergen weqelerni aydinglashturup, bu heqte shu yerlik hökümetler üstidin doklat yazidighan bolup, ulargha bérilidighan meblegh késilgen teqdirde, bu döletlerde yüz bériwatqan kishilik hoquq, ayallar we balilarni qoghdash xizmetlirige zor tesir yétidiken.

Kishilik hoquqni közitish teshkilati bayanatida, xitay hökümiti gerche közligen meqsitige toluq yételmisimu, emma uning rusiye qatarliq bezi döletlerning qollishigha ériship, belgilik selbiy tesir peyda qilishi mumkinlikini, shunga xitayning bu urunushlirining xelq'ara axbaratlargha ashkarilinishi kéreklikini bildürgen.

Toluq bet