Б д т дики мутәхәссисләр хитайға қарита кәскин тәдбир қоллинишни тәләп қилди

Мухбиримиз әркин
2020.06.26
Share on WhatsApp
Share on WhatsApp

Б д т дики мустәқил мутәхәссисләр 26-июн күни ортақ баянат елан қилип, б д т кишилик һоқуқ кеңишини хитайда әркинликни қоғдаш үчүн кәскин тәдбир елишқа чақирған.

Мутәхәссисләр баянатида хоңкоңда намайишчиларниң бастурулуши, уйғур дияри вә тибәттик йәрлик хәлқләрниң коллектип җазалиниши, адвокатларниң тутқун қилиниши, кишилик һоқуқ қоғдиғучилириниң из-дерәксиз ғайиб болуши, мәҗбурий әмгәк вә пуқраларниң шәхсий һаятиға арилишиш, тор бихәтәрлик қануни қатарлиқ бир қатар мәсилиләрдики әндишилирини оттуриға қойған.

Уларниң тәкитлишичә, “нөвәттә хитайниң кишилик һоқуқ вәзийитигә, болупму хоңкоң алаһидә мәмури райони, шинҗаң уйғур аптониом райони вә тибәт аптоном районидики аз санлиқ милләтләр, шундақла хитайдики кишилик һоқуқ қоғдиғучилириға қарши елип бериливатқан һәрикәтләргә диққәт қилишниң вақти кәлгән” икән.

Баянатта б д т кишилик һоқуқ кеңишиниң җиддий һәрикәткә келип вә барлиқ мувапиқ тәбирләрни қоллинип, хитайниң кишилик һоқуқ әһвалини назарәт қилиши керәкликини билдүргән. Баянатта тәкитлишичә, “б д т алаһидә йиғин чақирип, хитайдики кишилик һоқуқ дәпсәндичиликлирини көрүп чиқиши, битәрәп вә мустәқил мутәхәссисләр гурупписи қуруп, хитайдики кишилик һоқуқ вәзийитини, болупму хоңкоң, шинҗаң уйғур аптоном райони вә тибәт аптоном районини назарәт қилиши, анализ қилиши вә доклат елан қилиши, б д т ға әза дөләтләр вә б д т органлири хитайдин кишилик һоқуққа һөрмәт қилип, өзиниң мәсулийитини ада қилишни тәләп қилиши керәк” икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.