B d t diki mutexessisler xitaygha qarita keskin tedbir qollinishni telep qildi

Muxbirimiz erkin
2020-06-26
Élxet
Pikir
Share
Print

B d t diki musteqil mutexessisler 26-iyun küni ortaq bayanat élan qilip, b d t kishilik hoquq kéngishini xitayda erkinlikni qoghdash üchün keskin tedbir élishqa chaqirghan.

Mutexessisler bayanatida xongkongda namayishchilarning basturulushi, Uyghur diyari we tibettik yerlik xelqlerning kolléktip jazalinishi, adwokatlarning tutqun qilinishi, kishilik hoquq qoghdighuchilirining iz-déreksiz ghayib bolushi, mejburiy emgek we puqralarning shexsiy hayatigha arilishish, tor bixeterlik qanuni qatarliq bir qatar mesililerdiki endishilirini otturigha qoyghan.

Ularning tekitlishiche, "Nöwette xitayning kishilik hoquq weziyitige, bolupmu xongkong alahide memuri rayoni, shinjang Uyghur aptoni'om rayoni we tibet aptonom rayonidiki az sanliq milletler, shundaqla xitaydiki kishilik hoquq qoghdighuchilirigha qarshi élip bériliwatqan heriketlerge diqqet qilishning waqti kelgen" iken.

Bayanatta b d t kishilik hoquq kéngishining jiddiy heriketke kélip we barliq muwapiq tebirlerni qollinip, xitayning kishilik hoquq ehwalini nazaret qilishi kéreklikini bildürgen. Bayanatta tekitlishiche, "B d t alahide yighin chaqirip, xitaydiki kishilik hoquq depsendichiliklirini körüp chiqishi, biterep we musteqil mutexessisler guruppisi qurup, xitaydiki kishilik hoquq weziyitini, bolupmu xongkong, shinjang Uyghur aptonom rayoni we tibet aptonom rayonini nazaret qilishi, analiz qilishi we doklat élan qilishi, b d t gha eza döletler we b d t organliri xitaydin kishilik hoquqqa hörmet qilip, özining mes'uliyitini ada qilishni telep qilishi kérek" iken.

Toluq bet