B d t “2016-Yilliq xitayning insaniyet tereqqiyati” doklatida xitayni tenqidlidi

Birleshken döletler teshkilati tor békitining 22-awghusttiki sanidin melum bolushiche, b d t ning échish tereqqiyat komitéti düshenbe küni “Xitayning 2016-yilliq insaniyet tereqqiyati doklati” ni élan qildi.

Melum bolushiche, b d t ning béyjingda élan qilghan mezkur doklatida, xitay hökümitini iqtisadiy tereqqiyat élip bérish bilen bir waqitta yene, ijtima'iy jem'iyetke qaritilghan siyasette keng siyaset yürgüzüsh, töwen kapaletlik a'ililerningmu menpe'et élishini kapaletlendürüp, yéngi bir jem'iyet bashqurush endizisi berpa qilish, awam puqralarning jem'iyette barawerlik tuyghusi hés qilishi qatarliqlarni qolgha keltürüshke dewet qilin'ghan.

Doklatta tilgha élinishiche b d t ning 2014-yilidiki statistikisida xitay pütkül yer shari boyiche tekshürülgen döletler ichide 90-bolup tizilip iqtisadi téz sür'ette tereqqiy qilghan döletler qataridin orun alghan. Emma, xitayning iqtisadiy jehettin yüksilishi, uning tereqqiy qilghan döletler sewiyisige yétishidin dérek bermeydiken. Sewebi xitay hökümiti öz dölitining iqtisadiy tereqqiyat sür'itigila ehmiyet bérip qalmastin, belki xelq turmushining tekshi tereqqiyatini qolgha keltürüshi, jem'iyet tereqqiyati iqtisadiy tereqqiyatqa maslishishi, puqralarning dawalinish, ma'arip jehetlerdiki tereqqiyat sewiyisidiki birdeklikke kapaletlik qilishi telep qilin'ghan.

Doklatta yene, xitayda herqandaq ishqa merkizi hökümet qarar béridighan siyaset yürgüzülidighanliqi tilgha élinip, puqralar siyaset belgilesh hoquqigha ige bolalmaydighan haletni özgertish, xitayning dölet igilikidiki shirketlerge zor étibar bérish weziyitige xatime bérilip, awam puqra igidarchiliqidiki shirketlergimu purset bérish qatarliq mesililer otturigha qoyulghan.