Хитай һөкүмити б д т кишилик һоқуқ оргининиң уйғур райони һәққидә тәләп сунушиға қарши чиққан

Мухбиримиз җәвлан
2022.09.22
Share on WhatsApp
Share on WhatsApp

Бирләшкән дөләтләр тәшкилати хитай һөкүмитиниң уйғур районида инсанийәткә қарши җинайәт өткүзүватқан болуши мумкинлики һәққидики доклатини елан қилғандин кейин, бу қетимлиқ б д т кеңәш йиғиниға қатнишиватқан хитай һөкүмити вәкиллири б д т кишилик һоқуқ оргининиң уйғур райони һәққидә тәклип сунушиға пүтүн күчи билән тосқунлуқ қилмақта икән.

Руйтерс агентлиқиниң бу һәқтә бәргән хәвиридә ейтилишичә, б д т кеңәш йиғиниға қатнишиватқан бир түркүм дөләтләр хитайни уйғур районидики кишилик һоқуқ җинайити сәвәблик әйбләватқан болуп, хитай тәрәп б д т мәҗлисидә уйғур райони һәққидә хитайға қарши бир тәклип лайиһәсиниң оттуриға чиқишиниң алдини елиш үчүн һәрикәт қилмақта икән.

Хитай һөкүмити буниң үчүн уйғур районидин аптоном районлуқ һөкүмәт баянатчиси шүй гуйшяң қатарлиқларни җәнвәгә елип келип сөзләткән. Шүй гуйшяң чәт әллик мухбирларға қилған сөзидә, хитайға қарши бирәр тәклип лайиһәсиниң оттуриға чиқишидин қорқмайдиғанлиқини, чүнки униңға қарши йетәрлик тәйярлиқ билән кәлгәнликини билдүргән.

Бу хәвәрдә көрситилишичә, б д т ниң доклати елан қилинғандин башлапла демократик әлләр билән хитайни қоллайдиған әлләр оттурисида қайта күч синишиш башланған болуп, бу қетимлиқ б д т кеңәш йиғини униң үчүн муһим бир сәһнә болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.