Хитайниң б д т кишилик һоқуқ кеңишидики вәкили мәзкур кеңәшни америкадики кишилик һоқуқ мәсилисини “көздин кәчүрүшкә” чақирған
2020.11.11
11-Ноябир бирләшкән дөләтләр тәшкилатиниң тивиттер һесабида хитайниң б д т кишилик һоқуқ кеңишигә йеңидин тәйинләнгән вәкилиниң америкадики кишилик һоқуқ мәсилисини “көздин кәчүрүш” һәққидә б д т кишилик һоқуқ кеңишигә мураҗиәт қилған видийоси елан қилинған. Мәзкур хадим бу видийода америка җәмийитидә қанун билән қоғдилидиған кишилик һоқуққа көз юмуп, иҗраатта көрүлгән бәзи хаталиқларни тутивелип: “америкада қара тәнликләрни кәмситиш бар, көчмәнләр вә башқа диндикиләрни йәкләш бар, сақчиларда зораванлиқ бар” дегәндәк бир қатар мәсилиләрни “кишилик һоқуққа таҗавуз қилиш” дәп әйблигән һәмдә б д т кишилик һоқуқ кеңишини бу мәсилиләрни тәкшүрүшкә чақирған.
Көзәтчиләрниң қаришичә, нәччә милйон уйғурни лагерларға солап ирқий қирғинчилиқ йүргүзүватқан, кишилик һоқуқни дәпсәндә қилишта дуня бойичә рекорт яратқан хитайниң б д т кишилик һоқуқ кеңишини америкадики кишилик һоқуқни тәкшүрүшкә чақириши наһайити күлкилик иш болуп, хитайниң көз боямчилиқта учиға чиққанлиқини көрситидикән.
Көп көрүлгән хәвәрләр
RFA
- 3 Чоң тәшкилат бирликтә “хәлқара уйғур мунбири” намида йиғин чақиридиғанлиқини елан қилди
- Түркийәдә оқуған сүбһи турсунниң үрүмчи ғалибийәт сақчиханиси тәрипидин тутулғанлиқи дәлилләнди
- Өркәш дөләт: нәнсий пелоси ханим уйғурларниң йеқин дости
- Үрүмчидә ечилған “муһаҗирлар йиғини” вә хитайниң чәт әлләрдики уйғурларға қаратқан сияситиниң ич йүзи
- Япон парламент әзалири: “уйғурларни қоғдаш японийәни қоғдаштур”