Бейҗиңға маңған әрздар сақчилар тәрипидин етип өлтүрүлди

Мухбиримиз ирадә
2015-05-06
Share


Хитай сақчилири бейҗиңға әрзгә маңған бир әрздарни етип өлтүрүвәткән. Униң 4 йил әрз қилип ақтуралмиған даваси өлүмидин үч кейин һәл болған. Бирләшмә агентлиқиниң хәвәр қилишичә, әрздар шү ченхи аниси вә үч балисини елип бейҗиңға әрз қилғили маңғанда харбин пойиз истансисидики сақчилар униң әрздарлиқини билип, уни тосушқа урунған. Буниң билән талаш - тартиш келип чиқип, сақчилар уни етивәткән.

Мәлум болушичә, у төт йилдин буян дөләттин аилисигә ярдәм пули беришни, яшанған анисини санаторийигә орунлаштуруп беришни тәләп қилип кәлгән болуп, униң даваси йәрлик телевизийә қаналлиридиму хәвәр қилинған икән. У шәнбә күни һаятидин айрилғандин кейин даириләр у тәләп қилған ярдәмниң қобул болғанлиқини уқтурған. Мәлум болушичә униң балилири йетим балиларни йиғивелиш орниға апирип берилидикән.

Хитай һөкүмити йәрлик даириләрдин әрздарларниң бейҗиңға келишиниң алдини елишини тәләп қилсиму, әрздарлар йәрлик орунларда адаләт тапалмиғанлиқи үчүн көпинчә һалларда бейҗиңға әрз қилип беришқа мәҗбур болидикән. Уйғур әрздарлар болупму 5 - июл вәқәсидә ғайип болған балилириниң, уруқ - туғқанлириниң из - дерикини қилмақчи болған уйғур әрздарларму қаттиқ бесимға учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт