Béyjinggha mangghan erzdar saqchilar teripidin étip öltürüldi

Muxbirimiz irade
2015.05.06


Xitay saqchiliri béyjinggha erzge mangghan bir erzdarni étip öltürüwetken. Uning 4 yil erz qilip aqturalmighan dawasi ölümidin üch kéyin hel bolghan. Birleshme agéntliqining xewer qilishiche, erzdar shü chénxi anisi we üch balisini élip béyjinggha erz qilghili mangghanda xarbin poyiz istansisidiki saqchilar uning erzdarliqini bilip, uni tosushqa urun'ghan. Buning bilen talash - tartish kélip chiqip, saqchilar uni étiwetken.

Melum bolushiche, u töt yildin buyan dölettin a'ilisige yardem puli bérishni, yashan'ghan anisini sanatoriyige orunlashturup bérishni telep qilip kelgen bolup, uning dawasi yerlik téléwiziye qanalliridimu xewer qilin'ghan iken. U shenbe küni hayatidin ayrilghandin kéyin da'iriler u telep qilghan yardemning qobul bolghanliqini uqturghan. Melum bolushiche uning baliliri yétim balilarni yighiwélish ornigha apirip bérilidiken.

Xitay hökümiti yerlik da'irilerdin erzdarlarning béyjinggha kélishining aldini élishini telep qilsimu, erzdarlar yerlik orunlarda adalet tapalmighanliqi üchün köpinche hallarda béyjinggha erz qilip bérishqa mejbur bolidiken. Uyghur erzdarlar bolupmu 5 - iyul weqeside ghayip bolghan balilirining, uruq - tughqanlirining iz - dérikini qilmaqchi bolghan Uyghur erzdarlarmu qattiq bésimgha uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.