“NBC Sports” qanili béyjing qishliq olimpik musabiqisige xizmetchilirini ewetmeydiken

Muxbirimiz irade
2022-01-20
Share

Amérikaning “NBC Sports” téléwiziye qanili 2022-yilliq béyjing qishliq olimpik musabiqisige xizmetchilirini ewetmeydighanliqini jakarlighan.

19-Yanwar küni, mezkur qanal da'iriliri xitay qishliq olimpikini neq meydandin xewer qilidighan “NBC Sports” qanili xizmetchilirining korona wirusi yuqumi sewebidin béyjinggha barmaydighanliqini, eslide pilanlan'ghan figora chiqirip muz téyilish, qar téyilish qatarliq musabiqilerning tarqitishlirida belgilik özgirish bolidighanliqini bildürgen. Ularning bu qarari amérikadiki tenterbiye saheside heyranliq qozghighan bolup, ijtima'iy taratqularda bu qétimliq olimpikning heqiqeten adettin tashqiri olimpik bolidighanliqi munazire qozghighan.

Gerche “NBC Sports” qanili korona wirusi yuqumi sewebidin béyjinggha barmaydighanliqini bildürgen bolsimu, biraq ular uzundin béri irqiy qirghinchiliq bilen shughulliniwatqan xitay hakimiyiti sahibxanliq qilidighan qishliq olimpikni bayqut qilghuchilarning nishanigha aylan'ghan idi.

Nurghunlighan kishilik hoquq terepdarliri “NBC” qanilini xitayning irqiy qirghinchiliq olimpikini xewer qilmasliqqa, xitay hökümitining teshwiqat qoraligha aylanmasliqqa chaqirip kelgen.

“NBC” qanilining béyjinggha barmasliqni qarar qilishida buning tesiri bar-yoqliqi éniq bolmisimu, emma bu barghanséri köp döletler béyjing qishliq olimpikini déplomatik bayqut qiliwatqan bir peytte küchlük diqqet qozghidi.

Hazirghiche amérika, en'giliye, kanada, awstraliye, litwa, bélgiye, daniye, shiwétsiye qatarliq döletler xitay hökümitining Uyghurlargha qaratqan irqiy qirghinchiliqini nezerde tutup turup, béyjing qishliq olimpikige hökümet emeldarlirini ewetmeydighanliqini jakarlighan.

Yaponiye déplomatik boyqut sözini qollanmighan bolsimu, biraq yaponiye hökümet emeldarlirining béyjing qishliq olimpik musabiqisining échilish murasimigha qatnashmaydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet