Җрув нейлсон канада өмикини бейҗиң олимпик мусабиқисини байқут қилишқа чақирди

Мухбиримиз әзиз
2021.12.20

Хитай һөкүмитиниң уйғур дияридики қирғинчилиқ қилмиши түпәйлидин бир қисим ғәрб әллири бейҗиң қишлиқ олимпик мусабиқисини дипломатик байқут қилидиғанлиқини елан қилғаниди. Канадалиқ сабиқ қар тейилиш чемпийони җрув нейлсон өзиниң бейҗиң олимпик мусабиқисини байқут қилиш чуқанлири билән йеқинда бу чақириққа аваз қошти.

CBC Агентлиқиниң 19-декабирдики обзор мақалисидә көрситилишичә, җрув нейлсон хәлқара қар тейилиш мусабиқилиридә икки қетим дуня чемпийонлуқни қолға кәлтүргән. У өзиниң қар тейилиш саһәсидин чекинип чиққандин кейинки паалийәтлири һәққидә тохтилип “мән һазир канада қар тейилиш командисиға биваситә ярдәм берәлмисәмму әмма уларни 2022-йилидики бейҗиң қишлиқ олимпик мусабиқисини толуқ байқут қилишқа дәвәт қилимән. Хәлқара олимпик комитетиниң бундақ бир мусабиқини өткүзүши пүтүнләй хата. Бу мусабиқини ‛олимпик мусабиқиси‚ дейишкиму адәмниң көңли бармайду” дегән.

У бу һәқтә мухбирларниң соаллириға җаваб бәргәндә уйғур дияридики лагерлар системиси вә зор тутқунни, шуниңдәк хитай һөкүмитиниң зомигәрлик қилмишлирини алаһидә тилға алған. Шуниң билән биргә дипломатик байқут қилишниң һәргизму купайә қилмайдиғанлиқини, шу сәвәбтин канада тәнһәрикәтчиләр өмикиниң бу мусабиқини толуқ байқут қилишиниң әхлақ җәһәттин өз хаталиқини түзитишниң бир қәдими болуп қалидиғанлиқини билдүргән.

Мәлум болушичә, җрув нейлсон америка васкетбол маһири әнәс кәнтәрдин кейин хитай һөкүмитиниң уйғурларға қиливатқан қирғинчилиқини ашкара әйиблигән йәнә бир тәнтәрбийә чолпини һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.