Германийә парламенти тәнтәрбийә комитетиниң рәиси бейҗиң қишлиқ олимпикини дипломатик байқут қилишқа чақирған

Мухбиримиз әркин
2021-10-11
Share

Германийә парламенти тәнтәрбийә комитетиниң рәиси дагмар фретаг, хитайниң 2022-йиллиқ бейҗиң қишлиқ олимпик мусабиқисини дипломатик байқут қилишқа чақирған. "германийә долқунлири" ниң хәвәр қилишичә, вәзиписидин айрилиш алдидики дагмар фретаг 11-өктәбир германийә ахбарат агентлиқиниң зияритини қобул қилғанда, хитайниң кишилик һоқуқни дәпсәндә қилишиға қарита һәр қайсий дөләт сиясий әрбаплириниң бейҗиң қишлиқ олимпик мусабиқисини байқут қилишини үмид қилидиғанлиқини ейтқан.

У мундақ дегән: "мән шәхсән америка авам палатаси рәһбири нәнси пелусиниң оттуиға қойған дипломатик байқут қилиш пикирини қоллаймән."

Униң ейтишичә, "һеч болмиса, демократик дөләтләр вәкиллириниң қатнашмаслиқи, бу хәлқара олимлик комитетиниң рәиси бах вә униң һәқәмсайилириға олимпик мусабиси ‍өткүзүш һоқуқини тәнтәрбийә вә әркин җәмийәтниң қиммәт қаришини сүйиистемал қиливатқан дөләтләргә беришкә қарши туримиз, дигәнни билдүридикән."

Америка авам палата рәиси нәнси пелуси бу йил 5-айда дунядики һәр қайси дөләт рәһбәрлириниң бейҗиң қишлиқ олимпик мусабиқисиға иштирақ қилмаслиқини тәләп қилған. У хитай ирқий қирғинчилиқ қиливатқан бир вақитта, америка рәһбирлириниң униңға иштирак қилиши американиң дунядики һәрқандақ бир җайда кишилик һоқуқни сөзләш әхлақий мизаниға гуман пәйда қилидиғанлиқини ейтқан иди. Мәлум болушичә, һазирға қәдәр пәқәт русийә президенти путин бейҗиң қишлиқ олимпик мусабиқисиға қатнишидиғанлиқини елан қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт