Gérmaniye parlaménti tenterbiye komitétining re'isi béyjing qishliq olimpikini diplomatik bayqut qilishqa chaqirghan

Muxbirimiz erkin
2021-10-11
Share

Gérmaniye parlaménti tenterbiye komitétining re'isi dagmar frétag, xitayning 2022-yilliq béyjing qishliq olimpik musabiqisini diplomatik bayqut qilishqa chaqirghan. "Gérmaniye dolqunliri" ning xewer qilishiche, wezipisidin ayrilish aldidiki dagmar frétag 11-öktebir gérmaniye axbarat agéntliqining ziyaritini qobul qilghanda, xitayning kishilik hoquqni depsende qilishigha qarita her qaysiy dölet siyasiy erbaplirining béyjing qishliq olimpik musabiqisini bayqut qilishini ümid qilidighanliqini éytqan.

U mundaq dégen: "Men shexsen amérika awam palatasi rehbiri nensi pélusining ottu'igha qoyghan diplomatik bayqut qilish pikirini qollaymen."

Uning éytishiche, "Héch bolmisa, démokratik döletler wekillirining qatnashmasliqi, bu xelq'ara olimlik komitétining re'isi bax we uning heqemsayilirigha olimpik musabisi ‍ötküzüsh hoquqini tenterbiye we erkin jem'iyetning qimmet qarishini süyi'istémal qiliwatqan döletlerge bérishke qarshi turimiz, digenni bildüridiken."

Amérika awam palata re'isi nensi pélusi bu yil 5-ayda dunyadiki her qaysi dölet rehberlirining béyjing qishliq olimpik musabiqisigha ishtiraq qilmasliqini telep qilghan. U xitay irqiy qirghinchiliq qiliwatqan bir waqitta, amérika rehbirlirining uninggha ishtirak qilishi amérikaning dunyadiki herqandaq bir jayda kishilik hoquqni sözlesh exlaqiy mizanigha guman peyda qilidighanliqini éytqan idi. Melum bolushiche, hazirgha qeder peqet rusiye prézidénti putin béyjing qishliq olimpik musabiqisigha qatnishidighanliqini élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet