Béyjing olimpik musabiqisini bayqut qilish yawropa siyasiyonlirining chuqanlirigha aylanmaqta

Muxbirimiz eziz
2021-11-17
Share

Xitay hökümiti 2022-yili sahibxaniliq qilish aldida turuwatqan béyjing qishliq olimpik musabiqisi nöwette barghanséri köp teshkilatlar, hökümetler we siyasiyonlarning qarshi turush obyéktigha aylinishqa bashlidi. 16-Noyabirda yawropadiki bir qisim siyasiyonlarning bu sepke qétilishi bilen bu heqtiki chuqanlar yene bir qétim dunya jama'itining diqqitini tartishqa bashlidi.

Firansiye parlaménti töwen palatasining ezasi, "Xitay mesilisi boyiche xelq'araliq parlaméntlar ittipaqi" ning ezasi, firansiyelik dangliq filim ishligüchi sen'etkar frédérik dumas xanim 16-noyabir küni özining tiwéttér bétide süretlik uchur yollap béyjing qishliq olimpik musabiqisini toluq diplomatik bayqut qilish chaqiriqini otturigha qoydi. U mezkur uchurgha yazghan izahliq tékistke alahide qilip "Heqler bolmighan jayda olimpik musabiqisimu bolmasliqi lazim" dep yazghan.

Xuddi mushu mezmundiki chaqiriqni otturigha qoyghan yene bir kishi en'gliye parlaméntining ezasi, yillardin buyan Uyghur qirghinchiliqini keskin eyiblep kelgen dunkan simis ependi bolup, 16-noyabir küni umu süretlik uchur yollap béyjing qishliq olimpik musabiqisini toluq diplomatik bayqut qilishni tekitlidi. U bu heqtiki tékistte éniq qilip "Béyjing qishliq olimpik musabiqisi Uyghur diyarida, shuningdek xongkong we tibet rayonlirida heqler éghir derijide depsende qiliniwatqan bir shara'itta ötküzülmekchi boluwatidu. 'xitay mesilisi boyiche xelq'araliq parlaméntlar ittipaqi' hökümet emeldarlrini bu musabiqige qatnashmasliqqa chaqirmaqta. Men bu sepke qoshuldum" deydu.

Bu süretlik chaqiriqlar élan qilin'ghandin kéyin ularning herqaysi jaylardiki egeshküchiliri bes-beste bu chaqiriqni alqishlighan. Shuningdek en'gliye we firansiye hökümetlirini bu heqte tézdin qarar élishqa dewet qilghan. Melum bolushiche amérika hökümitimu pat yéqinda béyjing qishliq olimpik musabiqisini diplomatik bayqut qilish heqqide qarar alidighan bolup, téximu köp hökümetlerning bu sepke qoshulushi ümid qilinmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet