Бейҗиңда корона вируси юқум вәзийити шәкилләнди

Мухбиримиз җүмә
2020-06-14
Елхәт
Пикир
Share
Принт

Бейҗиңда корона вируси юқум вәзийити шәкиллинип, бу һәптә ахири шәһәрниң бир қисим районлири тақалған.

Хитай һөкүмәт ахбаратлириниң хәвәр қилишичә, 14-июнғичә бейҗиңда йеңидин байқалған корона вируси юқумдарлириниң сани 51 гә йәткән.

Даириләр шәнбә күни юқумдарлар дәсләптә байқалғанлиқи мөлчәрләнгән шинфади йеза игилик мәһсулатлири топ тарқитиш базирини тақиған.

Әнглийәдин чиқидиған «һамий» гезитиниң хәвиригә қариғанда, һәптә ахири йәнә топ тарқитиш базириға йеқин җайдики бир олтурақ райониму карантин астиға елинған.

Униңдин башқа хитайниң башқа җайлирида йеңидин байқалған юқумдарлар сани 19 ға йәткән.

Шуниң билән бу юқум вәзийити мәзкур вирусиниң хитайда иккинчи қетим партлаши мумкин, дегәндәк әндишиләргә сәвәб болған. 

Мәлум болушичә, бейҗиң шәһириниң мәркизидики бир йемәк-ичмәк вә көктат базириму тақалған.

Корона вируси вухәндә байқалғандин кейин һазирға кәлгүчә 7. 8 Милйон адәмни юқумландурған, 430 миң адәмниң җениға замин болған иди. 

Һалбуки хитай мәзкур вирусиниң өзидин тарқалғанлиқини тән алмиғандин башқа йәнә хәлқара мутәхәссисләрниң тәкшүрүш тәлипини рәт қилип кәлгән. 

Хитай бу қетим бейҗиңда байқалған йеңи юқумдарларниң юқумлиниш мәнбәсигиму соал қойған.

«Йәршари вақит гезити» йәкшәнбә күндики бир парчә хәвиридә мутәхәссисләрниң ейтқанлиридин нәқил кәлтүрүп бу нөвәт бейҗиңда пәйда болған юқум вәзийитини чәтәлдин хитайға юқумлинип кәлгәнләр пәйда қилған болуши мумкинликни илгири сүргән.

Нөвәттә бейҗиңда партлиған корона вируси юқум вәзийитиниң һәқиқий әһвали һазирчә намәлум.

Пикирләр (0)
Share
Толуқ бәт