Bélarusiye prézidénti türk we rus rehberlirini bir birige yol qoyushqa chaqiridi

Muxbirimiz jüme
2015-12-12
Share


12 - Dékabir, türkmenistanda yighin'gha qatnashqan bélarusiye prézidénti türk we rus rehberlirini ikki terep munasiwetliridiki krizislarni hel qilish üchün bir birige yol qoyushqa chaqiridi.

24 - Noyabir türkiye da'iriliri rusiyening bir bombardimanchi ayropilanini étip chüshürüwetken we mezkur rus ayropilanining “Türkiyening igilik hoquqigha daxili terz qilghanliqi” ni ilgiri sürgen.

Rusiye terep ayropilanining bombilash wezipisi ötewatqanda türk hawa boshluqigha kirmigenliki, ayropilanning süriye hawa boshluqida étip chüshürülgenlikini bildürüp türkiyedin epu sorashni telep qilghan.

Türkiye özining xata qilmighanliqida ching turup, rusiyedin epu sorashni ret qilghan. Shundin kéyin ikki terep munasiwetliri jiddiy soghuqlashqan. Rusiye ötken hepte türkiyege bir qatar iqtisadiy émbargo élan qilghan.

Shenbe küni ashxabadta échilghan türkmenistanning biterep döletlik salahiyitining 20 yilliqini tebriklesh yighin'gha türk prézidént rejep tayyp erdughanmu qatnashqan.

Türk - rusiye munasiwetlirini tilgha alghan bélarusiye prézidénti alékzandér lukashénko mundaq dégen: “Eger xataliq sadir qilsanglar, xataliqinglarni tonushunglar we weziyetni yumshitish üchün yol qoyush we muresse qilishqa jür'et qilishinglar kérek.”

Halbuki, yighinda söz qilghan erdughan rusiye munasiwetliri heqqide toxtalmighan.

Türkiyedin chiqidighan “Jihan” gézitining shenbe kündiki xewirige qarighanda, ashxabadtiki yighin'gha özbékistan, qirghizistan, giruziye, moldowa we afghanistan rehberlirimu qatnashqa.

Yighin'gha rusiye tereptin rusiye fédératsiyesi parlaménti yuqiri palata re'isi waléntina matwiyenko qatnashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet