Уйғур аптоном районида бир ай ичидә бейҗиңниң бәлгилимисигә хилаплиқ қилған 940 киши бир тәрәп қилинған

Мухбиримиз әркин
2020-04-10
Елхәт
Пикир
Share
Принт

Уйғур аптоном районида бу йил 3-айда 940 нәпәр кадир вә хадим бейҗиңниң «исрапчилиққа, һәшәмәтчиликкә қарши туруш» тоғрисидики 8 түрлүк бәлгилимисигә хилаплиқ қилиш билән әйиблинип, бир тәрәп қилинған.

«Тәңритағ тори» ниң ашкарилишичә, уларниң 6 нәпири вилайәт, назир дәриҗилик, 11 нәпири наһийә дәриҗилик, 279 нәпири йеза вә бөлүм дәриҗилик кадирлар икән. Лекин хәвәрдә уларниң қанчисини уйғур, қазақ вә башқа йәрлик мусулман милләтләр тәшкил қилидиғанлиқи тилға елинмиған.

Бу уйғур аптоном районлуқ партком «бейҗиңниң 8 түрлүк бәлгилимисигә хилаплиқ қилған» дегәнни баһанә қилип, аптоном районниң һәр қайси саһәлиридики йәрлик милләт кадирлирини мәқсәтлик тазилаш билән әйиблиниватқан мәзгилдә елан қилинди. Уйғур кишилик һоқуқ тәшкилатлириниң илгири сүрүшичә, хитайниң йеқинқи 3 йилда елип барған «икки йүзлимичиликкә қарши туруш», «мәркәзниң 8 түрлүк бәлгилимисигә әмәл қилиш», «рәзил күчләрни тазилаш» һәрикәтлиридә һакимийәт ичидики уйғур кадирлар тазиланған.

«Тәңритағ тори» ниң хәвиридә бу йил 3-ай ичидә бир тәрәп қилинған 940 нәпәр кадир вә хадимниң 296 нәпиригә интизам вә мәмурий җаза берилгәнликини билдүргән. Хәвәрдә қәйт қилинишичә, буниңда 83 мәсилә «мәркәзниң зор орунлаштуруши вә қарарлирини яхши иҗра қилмай яки яхши әмәлийләштүрмәй зор ақивәт кәлтүрүп чиқириш» билән әйибләнгән.

Пикирләр (0)
Share
Толуқ бәт