Uyghur aptonom rayonida bir ay ichide béyjingning belgilimisige xilapliq qilghan 940 kishi bir terep qilin'ghan

Muxbirimiz erkin
2020-04-10
Share

Uyghur aptonom rayonida bu yil 3-ayda 940 neper kadir we xadim béyjingning "Israpchiliqqa, heshemetchilikke qarshi turush" toghrisidiki 8 türlük belgilimisige xilapliq qilish bilen eyiblinip, bir terep qilin'ghan.

"Tengritagh tori" ning ashkarilishiche, ularning 6 nepiri wilayet, nazir derijilik, 11 nepiri nahiye derijilik, 279 nepiri yéza we bölüm derijilik kadirlar iken. Lékin xewerde ularning qanchisini Uyghur, qazaq we bashqa yerlik musulman milletler teshkil qilidighanliqi tilgha élinmighan.

Bu Uyghur aptonom rayonluq partkom "Béyjingning 8 türlük belgilimisige xilapliq qilghan" dégenni bahane qilip, aptonom rayonning her qaysi saheliridiki yerlik millet kadirlirini meqsetlik tazilash bilen eyibliniwatqan mezgilde élan qilindi. Uyghur kishilik hoquq teshkilatlirining ilgiri sürüshiche, xitayning yéqinqi 3 yilda élip barghan "Ikki yüzlimichilikke qarshi turush", "Merkezning 8 türlük belgilimisige emel qilish", "Rezil küchlerni tazilash" heriketliride hakimiyet ichidiki Uyghur kadirlar tazilan'ghan.

"Tengritagh tori" ning xewiride bu yil 3-ay ichide bir terep qilin'ghan 940 neper kadir we xadimning 296 nepirige intizam we memuriy jaza bérilgenlikini bildürgen. Xewerde qeyt qilinishiche, buningda 83 mesile "Merkezning zor orunlashturushi we qararlirini yaxshi ijra qilmay yaki yaxshi emeliyleshtürmey zor aqiwet keltürüp chiqirish" bilen eyiblen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.