2021-Yili bélgiye hökümet torlirigha qaritilghan tor hujumining keynide xitay jasusi barliqi ashkarilan'ghan

Washin'gtondin muxbirimiz irade teyyarlidi
2024.04.18

2021-Yili mayda bélgiye hökümet tor betlirige qarshi élip bérilghan hemde bélgiye parlaméntining Uyghurlar heqqidiki ispat anglash yighinining kéchikishige seweb bolghan xakkérliq hujumining keynide xitay jasusliri barliqi delillen'gen.

Bélgiyediki xumo “HUMO” we apachi “Apache” namliq xewer torlirining xewer qilishiche, 2021-yili 5-ayning 4-küni, bélgiye hökümitining xizmetlirining aqsap qélishigha seweb bolghan zor kölemlik xakkérliq hujumining keynide bélgiye parlamént ezasi filip déwintér (Filip Dewinter) bilen uzun yil qoyuq alaqe qilip kelgen xitay jasusi shang chawchünning qoli bar iken.

 Yuqiridiki ikki gézit muxbirliri shang chawchünning qol astidikiler bilen ündidarda qilishqan geplirini körgen bolup, u xétide “Özining bélgiye parlaméntining Uyghurlar heqqide ispat anglash yighini orunlashturghanliqidin qattiq xapa bolghanliqini” tilgha alghan iken.

Yuqiridiki xewer organlirining déyishiche, xitayning bélgiye hökümet torigha qaratqan bu xakkérliq hujumi uchurgha yaki pulgha érishishni emes, belki öch élishni meqset qilip qozghitilghan iken.

Lagér shahitliridin qelbinur sidiq xanim eyni chaghda bélgiye parlaméntida xitayning Uyghur diyaridiki jaza lagérliri toghrisida guwahliq bérish yighinigha qatnashmaqchi bolghanda tuyuqsiz keng kölemlik tor hujumi yüz bérip, pa'aliyet emeldin qalghan we kéler heptige kéchikken idi. Eyni chaghda bélgiye taratquliri bu hujumning keynide xitay hökümiti barliqi heqqidiki gumanlirini otturigha qoyghan bolsimu, uni delilliyelmigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.