Хитай таллиған бәнчән лама милләтләр иттипақлиқини қоғдайдиғанлиқини билдүргән

Мухбиримиз җүмә
2015-06-10
Share

Хитай даирилири таллиған, әмма сүргүндики тибәтләр сахта дәп қобул қилмиған бәнчән лама чаршәнбә күни хитай рәиси ши җинпиңға милләтләр иттипақлиқини қоғдайдиғанлиқини билдүргән.

Хитай дөләт телевизийәсиниң хәвәр қилишичә, хитай бекиткән бәнчән лама-гялтсән норбу җуңнәнхәйдә чақирилған бир юқири дәриҗиликләр йиғиниға қатнишип юқириқи сөзләрни қилған.

У мундақ дегән: мән ана вәтинимниң бир пүтүнлүки вә милләтләр иттипақлиқини қоғдаймән. У йәнә партийиниң үмидини йәрдә қоймайдиғанлиқи һәққидә вәдә бәргән.

Хитай даирилири 1995-йили гялтсән норбуни 11-бәнчән лама қилип бекиткән, әмма нөвәттики тибәт роһаний даһийси далай лама таллиған 6 яшлиқ бәнчән ламани тутуп кәткән иди.

Далай лама таллиған бәнчән лама тутуп кетилгәнликигә 20 йил болған болсиму, униң та һазирқиғичә из-дерики болмиған.

Тибәтниң роһаний даһийси далай лама 1959-йили хитайдин қечип чиққанда әйни чағдики бәнчән лама-чоекйи гялтсән хитайда қелип қалған. Хитай даирилири уни сиясий мәқсити үчүн ишлитишкә тиришқан, әмма у хитайниң тибәттики бастурушлирини әйблигәдин кейин түрмигә ташланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт