Xitay tallighan benchen lama milletler ittipaqliqini qoghdaydighanliqini bildürgen

Muxbirimiz jüme
2015-06-10
Share

Xitay da'iriliri tallighan, emma sürgündiki tibetler saxta dep qobul qilmighan benchen lama charshenbe küni xitay re'isi shi jinpinggha milletler ittipaqliqini qoghdaydighanliqini bildürgen.

Xitay dölet téléwiziyesining xewer qilishiche, xitay békitken benchen lama-gyaltsen norbu jungnenxeyde chaqirilghan bir yuqiri derijilikler yighinigha qatniship yuqiriqi sözlerni qilghan.

U mundaq dégen: men ana wetinimning bir pütünlüki we milletler ittipaqliqini qoghdaymen. U yene partiyining ümidini yerde qoymaydighanliqi heqqide wede bergen.

Xitay da'iriliri 1995-yili gyaltsen norbuni 11-benchen lama qilip békitken, emma nöwettiki tibet rohaniy dahiysi dalay lama tallighan 6 yashliq benchen lamani tutup ketken idi.

Dalay lama tallighan benchen lama tutup kétilgenlikige 20 yil bolghan bolsimu, uning ta hazirqighiche iz-dériki bolmighan.

Tibetning rohaniy dahiysi dalay lama 1959-yili xitaydin qéchip chiqqanda eyni chaghdiki benchen lama-cho'ékyi gyaltsen xitayda qélip qalghan. Xitay da'iriliri uni siyasiy meqsiti üchün ishlitishke tirishqan, emma u xitayning tibettiki basturushlirini eybligedin kéyin türmige tashlan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet