Америка бермини мусулманларға қаритилған зораванлиқ мәсилисидә агаһландурди

Мухбиримиз әркин
2014-04-18
Share

Америкиниң б д т да турушлуқ баш әлчиси саманта повер, берма һөкүмитини дәрһал тәдбир қоллинип, мусулманларға қаритилған зораванлиқни тохтитишқа, инсанпәрвәрлик ярдәмгә капаләтлик қилишқа чақирди.

У, әгәр берма ғәрбий берминиң рахин штатидики зораванлиқ һәрикәтлирини тохтатмиса, бу, берминиң демократийә вә тәрәққият йолиға бузғунчилиқ қилидиғанлиқини агаһландурди.

Саманта повер бу сөзләрни пәйшәнбә күни б д т хәвпсизлик кеңишиниң йиғинида қилған. Йиғинда б д т ниң берма мәсилилири бойичә алаһидә мәслиһәтчиси виҗай намбиар, хәвпсизлик кеңшигә бермидики мусулман-буддист тоқунуши һәққидә доклат бәргән.

Бермида 2012‏-йили 6-айдин буян йүз бәргән зораванлиқ вәқәлиридә аз дегәндә 237 адәм өлгән, 140 миңдин артуқ адәм макансиз қалған. Макансиз қалған аһалиләрниң мутләқ көп қисми рахин штатидики мусулман рохиңялиқлар иди. Бермидики бир милйондин артуқ мусулманниң берма вәтәндашлиқи рәт қилинипла қламай, улар йәнә, бу әлдики буддист гуруһларниң һуҗумиға учрап кәлгән.

Саманта повер бермини агаһландуруп, биз давамлиқ берма ислаһатини қоллаймиз. Бирақ һөкүмәт үнүмлүк тәдбир қолланмиса, рахиндики зораванлиқ күчийип, техиму көп адәм һаятидин айрилиду вә җиддий еһтияҗлиқ инсаний ярдәмни давамлаштурғили болмайду, дегән.

Лекин бәзи тәнқидчиләр, берма һөкүмитиниң радикал буддистларни астиртин қоллаватқанлиқини илгири сүрүп кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт