Amérika bérmini musulmanlargha qaritilghan zorawanliq mesiliside agahlandurdi

Muxbirimiz erkin
2014-04-18
Share

Amérikining b d t da turushluq bash elchisi samanta powér, bérma hökümitini derhal tedbir qollinip, musulmanlargha qaritilghan zorawanliqni toxtitishqa, insanperwerlik yardemge kapaletlik qilishqa chaqirdi.

U, eger bérma gherbiy bérmining raxin shtatidiki zorawanliq heriketlirini toxtatmisa, bu, bérmining démokratiye we tereqqiyat yoligha buzghunchiliq qilidighanliqini agahlandurdi.

Samanta powér bu sözlerni peyshenbe küni b d t xewpsizlik kéngishining yighinida qilghan. Yighinda b d t ning bérma mesililiri boyiche alahide meslihetchisi wijay nambi'ar, xewpsizlik kéngshige bérmidiki musulman-buddist toqunushi heqqide doklat bergen.

Bérmida 2012‏-yili 6-aydin buyan yüz bergen zorawanliq weqeliride az dégende 237 adem ölgen, 140 mingdin artuq adem makansiz qalghan. Makansiz qalghan ahalilerning mutleq köp qismi raxin shtatidiki musulman roxingyaliqlar idi. Bérmidiki bir milyondin artuq musulmanning bérma wetendashliqi ret qilinipla qlamay, ular yene, bu eldiki buddist guruhlarning hujumigha uchrap kelgen.

Samanta powér bérmini agahlandurup, biz dawamliq bérma islahatini qollaymiz. Biraq hökümet ünümlük tedbir qollanmisa, raxindiki zorawanliq küchiyip, téximu köp adem hayatidin ayrilidu we jiddiy éhtiyajliq insaniy yardemni dawamlashturghili bolmaydu, dégen.

Lékin bezi tenqidchiler, bérma hökümitining radikal buddistlarni astirtin qollawatqanliqini ilgiri sürüp keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet