Берма һөкүмити роһинга мусулманлири мәсилисидә хитайдин ярдәм соримақта

Мухбиримиз әзиз
2017-11-28
Share

Америка дөләт ишлири министири рекс тиллерсон берма һөкүмитиниң роһинга мусулманлириға қаратқан қирғинчилиқ һәрикитини "етник тазилаш" дәп елан қилғандин кейин, америка вә явропа дөләтлириниң мәзкур буддистлар дөлитигә иқтисадий җаза қоллиниш еһтималлиқи һәққидә мулаһизиләр оттуриға чиқишқа башлиди. Буниң билән берма армийисиниң баш қомандани генерал мин аңлаң буниңға қарши хитай һөкүмитидин ярдәм тама қилип алман-талман бейҗиңға зиярәткә барған. Шуниңдәк хитай рәиси ши җинпиң билән мәхсус сөһбәттә болған.

"вал ситрет журнили" гезитиниң бүгүнки хәвиригә қариғанда берма рәһбири ансаң сучи бирнәччә күндин кейин хитайни зиярәт қилидиған болуп, хитайниң уни дәбдәбилик күтүвалидиғанлиқи һәққидә тәхминләр оттуриға чиқмақта. 620 Миңдин артуқ роһеңга мусулманлириниң берма армийисиниң етник қирғинчилиқи сәвәбидин қошна бенгалға қечиши сәвәбидин хәлқара җәмийәт бирма һөкүмитини қаттиқ әйибләватқан бу пәйттә анализчилар хитай билән берминиң бу дәриҗидә йеқинчилиқ қилишини "хитайниң қайтидин бермини өз тәсир даириси астиға елиш урунушиниң бир қисми" дегән.

Мәлум болушичә, хитай һөкүмити җиддий иҗра қиливатқан "бир бәлвағ бир йол қурулуши" ниң муһим бир тәркиби қисми болған шәрқий җәнубий асиядики газ вә нефит туруба йоли пүтүнләй бирма земинидин өтидикән. Нөвәттә хитай бермиға әң зор мәбләғ салғучи дөләт икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт