Bérma hökümiti rohin'ga musulmanliri mesiliside xitaydin yardem sorimaqta

Muxbirimiz eziz
2017-11-28
Share

Amérika dölet ishliri ministiri réks tillérson bérma hökümitining rohin'ga musulmanlirigha qaratqan qirghinchiliq herikitini "Étnik tazilash" dep élan qilghandin kéyin, amérika we yawropa döletlirining mezkur buddistlar dölitige iqtisadiy jaza qollinish éhtimalliqi heqqide mulahiziler otturigha chiqishqa bashlidi. Buning bilen bérma armiyisining bash qomandani général min anglang buninggha qarshi xitay hökümitidin yardem tama qilip alman-talman béyjinggha ziyaretke barghan. Shuningdek xitay re'isi shi jinping bilen mexsus söhbette bolghan.

"Wal sitrét zhurnili" gézitining bügünki xewirige qarighanda bérma rehbiri ansang suchi birnechche kündin kéyin xitayni ziyaret qilidighan bolup, xitayning uni debdebilik kütüwalidighanliqi heqqide texminler otturigha chiqmaqta. 620 Mingdin artuq rohéngga musulmanlirining bérma armiyisining étnik qirghinchiliqi sewebidin qoshna bén'galgha qéchishi sewebidin xelq'ara jem'iyet birma hökümitini qattiq eyiblewatqan bu peytte analizchilar xitay bilen bérmining bu derijide yéqinchiliq qilishini "Xitayning qaytidin bérmini öz tesir da'irisi astigha élish urunushining bir qismi" dégen.

Melum bolushiche, xitay hökümiti jiddiy ijra qiliwatqan "Bir belwagh bir yol qurulushi" ning muhim bir terkibi qismi bolghan sherqiy jenubiy asiyadiki gaz we néfit turuba yoli pütünley birma zéminidin ötidiken. Nöwette xitay bérmigha eng zor meblegh salghuchi dölet iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet