Birma prézidénti hakimiyetni tinchliq bilen ötküzüp bérishke wede qildi

Muxbirimiz ümidwar
2015-11-15
Share


Roytérs agéntliqining xewer qilishiche, birma prézidénti tyén sén yekshenbe küni birmadiki her qaysi siyasiy partiyelerning rehberliri bilen uchrishish ötküzgende hakimiyetni siliqliq bilen ötküzüp béridighanliqini bildürdi. Eger, bu ish emelge ashsa, birmadiki 50 yilliq herbiy hökümet tarixigha xatime bérilidiken.

Esli herbiylerdin kélip chiqqan birma prézidénti tyén sén 8 - noyabir küni ötküzülgen parlamént saylimida nobél tinchliq mukapati la'uriyati angsang suchi yétekchilikidiki "Memliketlik démokratiye ittipaqi"saylighuchilarning yérimidin köprekining awazigha ériship, ghelibe qilghandin kéyin angsang suchini tebrikligen idi.

13 - Noyabir küni birma saylam komitéti bu saylam netijiside, parlaménttiki 664 orunning 348 sini memliketlik démokratiye ittipaqi,40 orunni hakimiyettiki partiye igiligenlikini élan qilghan

B b s agéntliqining xewer qilishiche, birma prézidénti sözide yéngi hökümet teshkilleshke munasiwetlik muzakirilerning téz arida bashlinidighanliqini tekitligen.

Saylamdin kéyin meydan'gha kelgen parlamént kéler yili 1 - ayda özining tunji yighinini chaqiridiken we 2 - ayda birmada prézidént saylimi ötküzülüp, axirida hökümet teshkillinidiken.

Qanun boyiche, parlaméntta köp sanliq orunni igiligen partiye öz prézidént namzatini körsitish salahiyiti bolidiken.

Uzun yillar démokratiye üchün küresh qilip, nobél tinchliq mukapatigha érishken angsang suchi parlamént saylimida ghelibe qilghandin kéyin, amérika prézidénti barak obama we bir qisim démokratik eller rehberlirini uni tebrikligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet