Li kéchang birmagha qarita öz puqralirini qoghdaydighanliqini bildürdi

Muxbirimiz ümidwar
2015-03-15
Share


Xitay bash ministiri li kéchang xitayning ikki yighinining yépilishi munasiwiti bilen muxbirlarni kütüwelish yighini ötküzüp, junggoning ichki - tashqi siyasiy weziyiti heqqide toxtalghanda, bir qanche xelq'araliq siyasiy munasiwetlerge chétishliq mesililer heqqide pikir bayan qildi.

B b s ning xewer qilishiche, u birma - xitay chégrisida yüz bériwatqan toqunushlar mesilisi heqqide toxtilip, xitay hökümitining junggo xelqning hayati we mal - mülkini qoghdaydighanliqini bildürdi. Chünki, birma - xitay chégra rayonlirida xéli waqittin buyan birma hökümet armiyesi bilen bu rayondiki xitay millitining kokan qoralliq küchliri arisida toqunushlar dawamlashmaqta idi.

Radi'omizning xewer qilishiche, birma terepning bir küreshchi ayropilani 13 - mart küni birmaning shimalidiki kokan qoralliq guruppilirini bombardiman qilghanda üch dane bomba xitayning yünnen ölkisi tewesige chüshüp, étizliqta ishlewatqan déhqanlardin 4 i ölüp, 9si yarilan'ghan idi.

Xitay terep birma hawa armiyesining xitay tewesige ötkenlikini eyibligen bolup, bu weqelerdin kéyin, xitay herbiy ishlar komitéti mu'awin re'isi birma dölet mudapi'e armiyesi qomandani bilen jiddiy sözleshken we birmani agahlandurghan. Biraq birma terep öz ayropilanining xitay tewesige kirgenlikini étirap qilmighan. Emma, yünnen tewesidiki xitay azadliq armiyesining jiddiy haletke ötkenliki heqqidimu taratqularda uchurlar peyda bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.