Bérmudadiki Uyghurlargha pasport bérildi

Muxbirimiz eziz
2018-08-28
Élxet
Pikir
Share
Print

2009-Yili gu'antanamodiki herbiy türmidin qoyup bérilip, bérmudagha orunlashturulghan xélil mamut, abdulla abduqadir, ablikim turaxun we salahidin abdul'ehed qatarliq töt Uyghur aridin toqquz yil ötkende, yeni 27-awghust küni bérmuda pasporti tarqitip bérilgen. Shuningdin buyan ularning qanuniy salahiyiti bolmasliq tarixi axirlashqan.

Eyni waqitta amérika hökümiti bu Uyghur mehbuslarni "Xata waqitta xata orunda qolgha chüshüp qalghan, ular düshmen jengchisi emes" dep azadliqqa chiqarghan hemde bérmudagha yerleshtürgen idi. Emma ulargha puqraliq bérilmigen bolghachqa bu Uyghurlar izchil salahiyetsiz kishilerdin bolup kelgen idi.

Bérmudaning sabiq bash ministiri éwart brawn bu heqte söz qilip: "Bu bir yaxshi bashlinish. Emma ularning puqraliqqa érishishi bekmu uzun'gha sozulup ketti" dégen.

Melum bolushiche, bu qétim ulargha bérilgini "Biritaniyening chet'eldiki zéminining puqrasi" salahiyiti bolup, ulargha bérmuda pasporti bérilidiken. Bu xil pasportning igiliri bérmuda ahalisige oxshash hoquqlargha ige bolidiken, emma ularning saylamda bélet tashlash hoquqi bolmaydiken. Qanun boyiche, ularning 18 yashqa tolmighan perzentlirimu mushu yosunda yéngi pasport alidiken. Bu pasportning yene bir alahidiliki, bu Uyghurlar biritaniye puqralirigha oxshash hoquqlargha ige bolidiken hemde en'gliyening herqandaq yéride yashisa boluwéridiken.

Toluq bet