Бейҗиң айропортида бомба партлатқан киши хитай сақчилириниң зораванлиқиға учриған

Мухбиримиз җүмә
2013.07.24

Өткән шәнбә күни бейҗиң айропортида өзини қошуп партлитишқа урунған паләч киши әсли хитай сақчилириниң зораванлиқиға учриған киши икән.

Партлаш йүз берип узун өтмәй хитай ахбаратлирида, җи җоңшиң исимлик бир хитай әрниң өйидә ясиған бомбини бейҗиң хәлқара айродроми 3-учуш залида партлатқанлиқи вә өзиму партлашта яриланғанлиқи хәвәр қилинған иди. Хитай ахбаратлирида униң немә мәқсәттә бу бомбини партлатқанлиқи көрситилмигән иди.

“вол стрит журнили” да хәвәр қилинишичә, җи җоңшиң 2005-йили доңгуән шәһиридә хитай сақчилириниң зораванлиқиға учриған вә паләч болуп қалған икән. У шундин кейин хитай даирилириниң йетәрлик төләм бәрмигәнликини шикайәт қилип көп дәва қилған, әмма дәвасини ақтуралмиған.

Униң гепини аңлайдиған һечким чиқмиғандин кейин, у бейҗиң айропортиға берип бомбиниң пилтисини тартқан.

“вол стрит гезити” дә көрситишичә, мәзкур бомба партлитиш вәқәси хитайдики адаләтсизлик, һөкүмәт әмәлдарлириниң һоқуқни қалаймиқан ишлитиши қатарлиқ хаһишларниң барғанчә еғирлишип кәткәнликини көрситидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.